كلمات اغنية عمله نادره جفران بن هضبان

عمله نادره كلمات

ليتني ببعد عن اجواء القصايد واللحون

والعلوم الوارده والعلوم الصادره

الله أكبر وين ذاك القصيد الي تبون

والمشاعر من جميع الجهات امحاصره

يا سعد والكفو مثلك على رقبتي يمون

والله انك يا ابيض الوجه عمله نادره

جبت راس الشاعر الي ما يبغى المكرفون

ويتصدد من ضروف الحياه الجايره

لا تقول الا عسى الله يجبر خاطره

احتزم واطلق حجاجك وهونها تهون

واسترح في حفلك امن اوله لين اخره

خل عنك الشاعر الي من الهقوه ودون

الله يقطع سيرته والله يقطع دابره

اغلب العالم يقولون مالا يفعلون

يحسبون ان كلمة الرجل كلمه عابره

يا سعد بن حثله علومك تسر العيون

واسمك اثقل من جبال القهر والصايره

من طناخة راسك امسجلك في التيلفون

الحزام الي لـ صكات بقعاء ذاااخره

يا عسى يفدونك اهل اليمين القاصره

مجد ابوك ومجد جدك مثل بيض المزون

القبايل في تواريخهم متفاخره

افتخر بـ امجادهم يا عساهم يسلمون

والفخر من حقك تصافحه وتواجره

يالبهيشي لابتك في الشدايد يجملون

من وفاهم ليت كل الرجال احامره

عزوة الشيخ ابن لافي من سنين وقرون

عزوتن في الجهل مثل العيون الساهره

روس بللحمر ليا جاء المداحم بالمتون

الوجيه البادية والبيوت العامره

ضيفهم يلقى المصافيط وكبار الصحون

وخصمهم يلقى ام تيجان وابو دايره

هم مصادر الامن قبل العرب لا يامنون

في السنين الماضية والسنين الحاضره