كلمات اغنية عندك حق زياد الدساس

عندك حق كلمات

من كام سنه انا كنت بضحك زيي زيك

كنت شايف الدنيا وردي و اهي دلوقتي اسودت بعدك

متسألنيش مالك ولا عامل ايه ولا حتى ازيك

عشان مكانش ينفع تبعد لو كان حالي همك

دلوقتي عاملي فيها حاببني ايش حال ما انت اللي سايبني

ايش حال ما انت اللي كنت بـ همي بتعايرني

بجيب سيرتك بالخير و تيجي سيرتي ألاقيك تعيبني

ملعون ابوها طيبتي حببتني في ناس تتعبني

ربك ادرى باللي في قلبي انا شايل جدا و معبي

و عشان محدش يشمت فيا بقيت بضتر اخبي

الغلط كله عندي و الذنب ده كله ذنبي

انا كنت جمب الكل و لما وقعت محدش جمبي

لو حد كان مكاني كان هيوصل للجنون

كل اللي كنت فاكره موسى طلع فرعون

كان نفسي في نهايه سعيده زي افلام الكرتون

عندك حق انا فعلا مش جميل

الحمل عليا تقيل خلاص مبقتش قادر اشيل

الدنيا محلتنيش و الايام مبتنسيش

لو قولتلك بعدك بعيش متصدقنيش

2

عندك حق في كل اللي انت جاي تقوله

انا فاشل مهما اشب برضو حلمي مش هطوله

عندك حق بجد انا كئيب و مش هتحب

من كتر اما اتسابت و اتخدعت بقيت محبش حد

مش عدل احن تبعد مش عدل اهتم تهمل

مش سهل اكون وحيد يا عم بجد الوحده بتقتل

و صحابي فين بينا يادوب شارعين طب هما فين

هبقى لوحدي اضمن ضهري شبع قطمه

متعاقبش شخص اعمى بـ انك ترميه في اوضه ضلمه

خلاص بقيت متعود كل صدمه وراها صدمه

ان كان لك عند الكلب حاجه متقولوش يا سيدي ارميله عضمه

ده مكانش كلام ساعة نرفزه

انا عمري ما اذيت حد و كنت اكتر حد اتأذى

قالوا حبايبي و جمبي بس بعدوا و قلبي اتخذل

انا خايف اموت لوحدي و محدش يجيلي العزا

عندك حق انا فعلا مش جميل

الحمل عليا تقيل خلاص مبقتش قادر اشيل

الدنيا محلتنيش و الايام مبتنسيش

لو قولتلك بعدك بعيش متصدقنيش