كلمات اغنية فرحه ما تمت زياد الدساس

فرحه ما تمت كلمات

الاقيها منين انا ولا منين

سابتني كتير لـ دماغي لحد ما انا بقيت بـ بالين

بمثل اني نسيت بس الدموع ماليه العينين

كنت بهرب ليها منها طب انا دلوقتي اروح لـ فين

بقيت في ورطه فهمني ازاي افوق يسطا

ده انا اي حد بحبه بيسيبني في اول محطه

جرحتك من غير قصد و جرحتيني و انتي قاصده

انسي الغلطه عشان حبنا بلاش تنسيني عشان الغلطه

اخرجي من دماغي لا اخرجي من قلبي

بحبك لسا باقي بس انا بضطر اخبي

لسا بتحني و تشتاقي ولا خلاص ارتاحتي بعدي

انا نفسي بجد انساكي انا لسا عايزك جمبي

بضحك بس ضحكه صفرا و من جوايا معبي جروح

احلامي خلصت بعدك كنتي الحلم و الطموح

انا سميتك روح و مخدتش بالي ان الروح بتروح

عايش بس بـ قلب ميت

متحكيليش احزانك انا بموت و اقول كويس

انا ليه فضلت فيكي متبت

لو كنت انا في مكانك عمري ما كنت هبعد زيك

كان ممكن نرجع لو كانت حبت

و انا كنت بـ كل سهوله عادي بـ كلمة واحده اتثبت

بتشتت قلبي حبك انا مش عارف اكدب

كنتي فرحة قلبي بس خلاص يا فرحه ما تمت

لسا ببكي لسا بشكي لسا بـ شكي

لسا بحكي لـ ناس اصلا مش حاسه بـ همي

لسا عصبي لسا سلبي لسا بخبي

لسا بسامحك و في بعدك بطلع ألف مبرر

لسا بنكر و اقولهم راجعالي انا متأكد

لسا عاذرك لسا عايزك انا مش سايبك

وحشتني جملة انا بحبك و عشان كده بنكد

مبقتش عارف انا ظالمها ولا ظالمني

اصل انا هموت عليها فـ مش طبيعي تقوللي سيبني

اصل انا غلطان و ندمت و هي مش عايزه تسامحني

مش هننفع نبقى صحاب بعد اما بقت حته مني

انتي مش حدوته ولا حكايه احكيها لكل الناس

كلهم عندي فضه و انتي بينهم زي الماس

هتفضلي عـ الراس كـ تاج مهما يقولولي بلاش

حتى لو احنا مرجعناش هتفضلي بنت الدساس

عايش بس بـ قلب ميت

متحكيليش احزانك انا بموت و اقول كويس

انا ليه فضلت فيكي متبت

لو كنت انا في مكانك عمري ما كنت هبعد زيك

كان ممكن نرجع لو كانت حبت

و انا كنت بـ كل سهوله عادي بـ كلمة واحده اتثبت

بتشتت قلبي حبك انا مش عارف اكدب

كنتي فرحة قلبي بس خلاص يا فرحه ما تمت