كلمات اغنية فعل حرب الحرايب العذب

فعل حرب الحرايب كلمات

انتحى الليل واللي باقي منه ساعة

زان الابداع والطرق الفريد استوالي

شرد من بنات الفكر تكسب قلاعة

ما يهدي صعبها غير صدر شمالي

ولا يصاغ القصيد اللي يشوق استماعه

كود عند الرفيق اللي يروم المعالي

البس البشت ياتركي وريث الشجاعة

ان بغيت البحر مسحوب ولا هلالي

مرحبا بالبعيد ومرحبا بالموالي

عبدالمجيد علي البدراني

مرحبا في محل اللي طويل ذراعه

افتخر فيه وأرحب ليا جاء مجالي

مرحبا في محل ضاق رغم اتساعه

من وفا عيال عود سمعته لا تزالي

كل ماذكر زبن راسي يزود ارتفاعه

حي هالطاري الي منه يرتاح بالي

وانت ياتركي معرب ومعك الوداعه

محزم فيك ندحم نايبات الليالي

تركي سعد البدراني

مالنا عنك ياوجه الرفيق انهزاعه

شاعر من قبيلتنا وطيب وغالي

واتكل بالله الوالي على كل والي

في لزومك معك عزوه وربع وجماعه

احتزم في بني بدارن والراس عالي

كلنا رهن اشارتهم وسمع وطاعه

سقم عين الحريب ومحتمين التوالي

فهد بجاد البدراني

يوم ذاك الزمان اللي تقانب سباعه

نشرب العز مر ويصبح المر حالي

مانحط الجهود بحكمة الاستطاعه

فعلنا فيه فرق وفيه كبر وتعالي

المطارق مثل وضـع الامن عقب راعه

تمن البل وتامنها حدود المفالي

الله اللي خلقنا ماخلقنا تباعه

بين مجدن تليد وبين راسن مثالي

عبيد محيميد البدراني

بين ذكر القبيلة والمديح ومتاعه

قصة تشبه لـ وضع الولاء والموالي

عزوة في كنفها للمدايح طماعة

عزنا الله وعشنا به منول وتالي

يوم نجد العذية مابها الا المجاعة

وجال رد البرا يم المغازي هيالي

يكسبون الجزيل ويدهلون الرفاعة

ويمنون الدخيل وياردون الزلالي

فهد عوض البدراني

يوم كل يحصل نجدته من ذراعه

والقبايل تصوك وميسم الحرب صالي

فعل حرب الحرايب كسب والاقلاعه

بين سرد الرمك والا البكار الغوالي

وكن هيباتهم بيت تذري رباعه

ينحره كل ضيف و يزبنه كل جالي

عبدالكريم بجاد البدراني