كلمات اغنية قادرين الجوكر

قادرين كلمات

بنواجه الفشل بإيمان واليأس بعزيمة

مادام مبطلناش نحاول ماسمهاش هزيمة

مش ندمانين على حاجه وده عشان اتعلمنا حاجه

مفيش حاجه ببلاش والدنيا مش ماشيه بمزاجك

قادرين نحس بدفا الشمس من ورا الغيوم

قادرين نحس كتافنا بتقوى من شيل الهموم

بنشوف الميزة الواحده رغم كل عيوب الصورة

قادرين نحمل ع العضمه اللي لسه مش مكسورة

وعشان بشر ساعات تضيق نقول شكلها إتسدت

تقع كام طوبه واحنا مجهدين نقول إتهدت

نسيب نفسنا نلاقى أصوات الإحباط بتكتر

نفتكر أول حب وأد ايه اتمسكنا بيه

والوقت اللي ضاع في وهم إن الحياه انتهت بعديه

نضحك على أد ايه احنا كنا صغيرين وقتها

أد ايه الحياه كانت سهله وبرضه قلنا مش قدها

عاندي فينا أكتر لسه فينا حيل نعاندك

تيجي فينا ايه يا دنيا ورينا اللي عندك

اقفي بيننا وبين هدفنا وأخريلنا ساعتك

هنوصل في الميعاد ونحتفل داخل ملاعبك

ساعات عشان نرتاح بنشاور ع الأسوأ مننا

لما كل ده يتعدل نبقى نعدل من نفسنا

جوانا نص نفسه يريح نص نفسه يكمل

نص قادر يواجه نص مش عارف يتحمل

ونص عايز الدنيا تتفصله على مقاسه

نضعف منستسلمش نميل مننحنيش

تشوفنا محبطين تقول انتهوا مننتهيش

حالفين يطرح طموحنا حتى لو مكانش الموسم

من كل المحدوفين في بير لا يذكر الا يوسف

أكبر م الرضا بقليل بسبب خوف ورعب

عمرنا ما نخاف لمنلاقيش فنرضى ناكل طعم

جواك مقومات الفوز .. لكن محتاج تآمن

إن وجودك -في حد ذاته دليل على إنك قادر

ربك الطبيعة أو اللي مؤمن بيه عامة

مأوجدكش صدفة والعالم دليل ومثل

عاندي فينا أكتر لسه فينا حيل نعاندك

تيجي فينا ايه يا دنيا ورينا اللي عندك

اقفي بيننا وبين هدفنا وأخريلنا ساعتك

هنوصل في الميعاد ونحتفل داخل ملاعبك