كلمات اغنية قصه قله حب وندم ابو الشوق

قصه قله حب وندم كلمات

وقالو الدنيا دوارة

وفين هنروح من الايام

بقينا ازاي كده خسارة

علي فينك رايح يا زمان

وهحكي القصة وارويها

هتسمعني تكون كسبان

ده شاب وحيد وكان عايش مع امه وده يتيم الاب

وشايل همو علي كتفو ومكنش لي علاقه بحد

عايش من شغلو لصلاتو

وعمره ف مره ماساب فرض

اشتري شقة علي قدو

وخد امو تعيش جنبو

الحال يعيني علي قدو

وقال ل امو انا هسافر

هشق طريقي وهعافر

عشان الدنيا دى صعبه

وجايب م العيشه م الاخر

وأمو قالتو لا يابني

انا ياحبيبي مني قلبي

تكون في الكوشة بالبدلة

جوازك شيئ يطمني

جابتلو عروسة وخطبها

وكل حاجه ظبطها

وحدد فرحو واتجوز

وطاوع امو وكلامها

وبعد مده قام سافر

ورااح يسعي ل اكل العيش

وقال الغربة نار قايده

ومش هرجع بايدي فاضية

وعيشة الفقر تاني مفيش

وعده الوقت واتعود

وكان راضي وكله تمام

يوماتي يرن علي اهلو

يكلمهم يعيني وينام

دي بالنسبالة تصبيرة

تصبر قلبة ع الايام

وبعد ما كان لوحده غريب

لا صاحب لي ولا في حبيب

بداء يتلم علي شلة

وهيمشوه في طريق العيب

سجارة وكاس وصنف حريم

بقا بيسكر وينسي الدين

مبقاش بيسال علي اهلو

وع الحال ده يعدي سنين

وامو وصلها عنو اخبار

بتسمع وقايده جواها نار

تروح صحتها وبسببو

ومرااتو يا عيني حاسه مرار

وهو كان ولا همو

ماهي الخمره بقت دمو

مراافق شلة مشبوها

وكتر المال لحس عقلو

تعدي ايام وجه ليلة

صحاب السوء يرنو عليه

قالولو دي سهرة صباحي

وفيها حريم وجامدين ايه

وطالع يجري ع الشهوة

شيطانو خلاص مغمي عنيه

ولما يروح هيتفاجئ

يلاقي مرااتو جوه هنااك

في حضن واحد من اصحابو

من الصدمة بسرعة اهو فاق

قتلها وهرب قام راجع

لحضن امو تاني مشتاااق

لكن يخسارة ملحقهاش

ما هوا الموت ميستناش

كان نفسه انه يبوس ايديها

ماتت وهو ماشافهاش

يروح علي قبرها ينادي

خسرت ياما انا حياتي

يارتني عيشتها جنبك

وفضلت بحالي انا راضي

مش فرقه حياتي كدا ميت

ونفسي ياما اجي جمبك

خلاص الدنيا ولاتسوي

وسوده في عيني من بعدك

يعيني خلاص فقد عقلو

طريقو حراام خسر اهلو

واتاري الدنيا ملعونة

شيطان ملعون وجه ندهلو