كلمات اغنية قلة الاصل مدحت دياب

قلة الاصل كلمات

يا قله الأصل

قلة الأصل خلاص

بقت ع الكيف

ده كتير أوي من الناس

بتيجي ع الضعيف

و آآآه م الدنيا

خلاص مبقتش دنيا

بقت زي جراب الحاوي

فيها دراما و فيها بكايا

ناس عماله تشيل في بلاوي

و ناس الدنيا مروقاها

مبتعملش حساب للشيبه

دنيا بجد غريبه عجيبه

معدش فيها رحمه

رحمة ولا ضمير

ده الكل خلاص

بقي ع الشر ناوي

و بقت زي جراب الحاوي

فضلتي يا دنيا ورايا

لحد ما هدتيني

ده إنتي ما البدايه

حالفه لتكسريني

أيييية يا دنيا

ناس مروقاها

و ناس مفرحاها

و ناس مهنياها

آآخر هنـاا

ناس مدلعاها

و ناس كتير ظالماها

و من بينهم أنا

دنيا و مين يأمنها

و أنا ياما شوفت منها

فيها الغدر و الخيانه

و كلنا فاهمينها

دنيا بجد غريبه عجيبه

معدش فيه إخلاص ولا طيبه

و الكل خلاص يا عيني

بقى ع الشر ناوي

و بقت زي جراب الحاوي

هو أنا مش من حقي يا دنيا

أعيش زي البني أدمين

ولا إنتي إخترتيني يا دنيا

و عليا حلفتي اليمين

ليه واخداني يا دنيا مقاوله

ده أنا لا قوه يا ناس ولا حول

ليه واخداني يا دنيا مقاوله

كأني زهر جوه الطاولة

ريحني و إنصفيني

ده أنا يا دنيا بالفرح أولى

مدي إيدك يا دنيا للي

في الأحزان عايش تملي

إنتي ليه علي طول يا دنيا

ويايا دايماً بتقلي

دنيا بجد غريبه عجيبه

معدش فيه إخلاص ولا طيبه

و الكل خلاص يا عيني

بقى ع الشر ناوي

و بقت زي جراب الحاوي