كلمات اغنية كبار الشان شبل الدواسر

كبار الشان كلمات

ياشبل الدواسر جر صوتك مع الالحان

وشوش جماهير البيوت الملكية

يليق القصيد الجزل في صوتك الرنان

وبالذات لاصارت قصيدة حماسية

يابن فصلة انت الرمز والمنشد الفنان

وصوتك مسري باللحون الهجينية

على انغام صوتك للقصايد يجي برهان

وتطلع مطاليع النجوم السماوية

تباين فعوله ف الامور المصيرية

يامنديل يابن حمود يا ترثت الشيخان

مواقيفك مع الناس ماهيب عادية

مقرب من الدولة ومن سيدي سلمان

ولا اختارك الا للعلوم الضرورية

وديوانك العامر مايخلا من الضيفان

هذولا لهم حاجة وذولا طراقية

على الهيل والكمبود والحشو والطليان

عيال النجد جنب السمان الشتاوية

هذا موظف العاطل هذا مغني الفقران

هذا معتق الارقاب لاجات جاهية

هذا اللي يسد الدين ويغلق الديان

ليا جاء له اللي من شقا دنيته بحلان

يعوّد منه يضحك والا حزان منسية

ولا من نخيته قام يصهل صهيل حصان

والا تسمع الا ابشر وحاجتك مقضية

يكيف على فعل الجمايل تقل خرمان

مثل مايكيف خرمة الراس برية

هذا والله الانسان لا قالوا الانسان

ماهو ميت السيرة ولو صورته حيه

اذا في دبي فزاع سموا بها حمدان

ترى عندنا مندل يأهل السعودية

من اللابة اللي للسطر والفخر عنوان

دواسر ترد للموت لاثارت الهية

دواسر هل الافعال لا عسكر الدخان

فعايل هل الافعال ماهي طبيعية

تجندل عداها فالوغى لاحتمى الميدان

ولا تاخذ الا اهل البشوت الكبارية

ليا صاحت العذراء ولبوا لها الفرسان

هذوليك خيالة وذوليك رجلية

من الاد زايد كلهم فاللقا شجعان

دهاة الدواهي والفعول البطولية

ليا من تعززوا ثارت الارض بالبركان

وترهب عداها بالعزوم الرهاوية

داوسر دواسر فالجزيرة كبار الشان

وحماية التالي وزبن الجلاوية

ديرهم حموها بالمنهد وبالنيشان

قبل لايجي رسم الحدود السياسية

بها ترتع الفاطر ماتخشى من العدوان

من الامن ترعى غصب ماهيب مرعية

معلومات الاغنية

منديل بن حمود الرجباني

فهد فصلا

شبل الدواسر

كلمات بدر بن طلال