كلمات اغنية كده ارحم زياد الدساس

كده ارحم كلمات

محدش جمبك كل اللي انت حبه سايبك

اللي عشقته مبقاش حبك و اللي احتاجته مبقاش عايزك

تأقلم لو واقفه عليك كانت وقفت عـ اللي قبلك

اقوى لوحدك و ابقى لوحدك هيسيبوك و تبقى لوحدك

كده كده الدنيا مبتقفش فوق كده

بحكيلك احزان في الشتا على كمانجا متشتته

كده رضا هعيشها لوحدي و هعيط في الدرا

مبقاش فيا مكان يتكسر كل مشاعري متفتته

لا انت باقي ولا انتي باقيه

كل يوم انا في احزاني زي التور بلف في ساقيه

يا بخت من بكاني و بكي عليا

و اللي حب حد تاني ميلزمنيش يغور في داهيه

اللي مش عايزينه يعوزنا و اللي احتاجناه مش محتاجنا

امتى بس هنفرح و هنتهنى

فضلنا كتير نتمنى و نحلم لو ياخدنا الحب لـ جنه

بنتمنى

و نحلم لو ياخدنا الحب للجنه

و نستنى

و لما الحب بيجيلنا

بنندم انه يوم جالنا

يودعني

يروح و يسيبني

ما يسيبني و ايه يعني

ما دام باعني

مفيش قوه ترجعني

كفايه سنين بيخدعني

ما دام باعتني ولا لازماني ولا هتلزمني

حبها خدعني لو عايزه تمشي بقيت مستغني

صدقت كلامها بس الظاهر ان قلبي خانني

مش فارقلي لو عايزه تمشي اتكلي

مشيلتينيش على راسك فـ انا مش هلبسك في رجلي

مش عاجبني ان انتي لما شوفتي فلوسه قومتي تجري

انا اتمنيتك بس لما مشيتي كله جه يباركلي

سمعتك سابقه حبك ده جابلي خنقه

كنتي ليا فارقه بس خلاص مش فارقه لو مفارقه

متقوليش حبيبي ولا كنت حبيبك انا ولا هبقى

مش هقدر الوم الريح عشان حبيبتي كانت ورقه

كده ارحم مش هفكر تاني ولا احلم

اديتها كل الفرح و هي ادتني الحزن مقدم

بس خلاص مش هبكي و احزن

مبقتش باقي على حاجه و مفيش حاجه عليها هندم

مش باقيه على حاجه

و مفيش حاجه عليها اندم

انا كنت غلطانه

و بأمانه كده ارحم