كلمات اغنية كسرنا العيون جفران بن هضبان

كسرنا العيون كلمات

يا دعاة السوالف ليتكم تفعلون

بندقي في يميني وازن اعيارها

الكبار احضرو واليا احضرو تصغرون

الزمل ما تلفت في رغا حوارها

فالميادين لاجينا كسرنا العيون

نعرف اطوالها وانميز اقصارها

والله ان تبركون ووالله لتبركون

المواقف لأهلها وانتم ايسارها

وانتم اخيوط فرقبتي على زرارها

والاسد لا لتفت يضباع تب تخضعون

مرخيين الذيول اليا اشتعل نارها

الكفو فارقن ولا الجبان امغبون

مايحرك كيان الكفو هذارها

كم ردين يدس الراس بين المتون

ماتجــرا ليا من ثـور اغبارها

علم اللي يحسب الصيت بالتيلفون

بومتن ماتعيش بماكر احرارها

مانشوف الفعول الا بضرب الصحون

دايمن يرخصون النفس مقدارها

الحقايق تبين وباحت اسرارها

ولا انا شاعرن ماني بمن يفترون

ان وقف شان حال اخلاق شعارها

ولامدحت امدح اللي باللقا يحتمون

للخوي درع جنب وترخص اعمارها

والدهيمان روسن متعبين الضنون

هم علاج الليالي لسدل استارها

مرحبا بسم منهو مثل غر المزون

يا سليمان بسمك هلت امطارها

مرحبا قلتها واضيفوكم يدهلون

حلت الطيب ودلالن شعا ابهارها

في حفل رجلن يصون العهد مايخون

ايه ومبارك اللي يسهج اخطارها

الف مبروك غن القاف زين اللحون

والمدايح بحفلك عنت امهارها

ترثت البيرق اللي كل كاين يكون

مثل بحرن مداهيله من انهارها

يوم فعل الرجال ويوم خضب الطعون

فعلهم ذاع بين الناس واقطارها

شايبن يوم ضاقت والعرب ينتخون

قدم العمر لا ماقدم اعذارها

علم اللي تواريخ العرب يجهلون

شمسهم ماتغيب وشعت انوارها

والسليمان لاقامو تدك الحصون

ضربهم فالنحور ان شانت ابصارها

عز لصاحب وله ظل مثل الجفون

المراجل بدم اصغار واكبارها

حايزين الكرم والطيب من كل لون

يوم قشر الليالي حالت اقدارها