كلمات اغنية كل سنه واحنا بلمتنا احمد موزه

كل سنه واحنا بلمتنا كلمات

كل سنه واحنا ب لمتنا

ربنا ما يقطع سعادتنا

احلي حاجه ف الدنيا حارتنا

كلنا لبعضنا سالكين

قبل ما المغرب بيأذن

يلا نتجمع يا مسهل

بالعصير ع الناس بنقدم

كلو بيشارك ف الخير

لما رمضان هل علينا

رجع الفرحه دي وسطينا

خلانا نسينا الاحزان

هو شهر واحد ف السنه

خير وجايلنا من ربنا

ييجي ميخليش عكننه

شهر فرحه ف كل مكان

بعد ما فطرنا بقا وقومنا

ف الشارع تتلم اللمه

هو دا روتينا نظام يومنا

كل يوم لعب وتنطيط

بومب مع صواريخ وبنرمي

ولع السلك ويلا اجري

بعد م الوقت دا بيعدي

بعديها نصلي التراويح

والحبايب هنا ملمومه

ناس كتير عندنا معزومه

ربنا يكتر عزوماتنا

الكرم والخير ب زياده

والوشوش مليانه سعاده

ربنا مايقطعلنا عاده

احلي حاجه والله لمتنا

السعاده ف اللمه الحلوه

ربنا يكتر لمتنا

ع الوشوش مرسومه الضحكه

والسعاده موجوده ب ذياده

بره للفجريه بنسهر

ف الحسين ننزل نتسحر

يلا بينا كلنا نتصور

والوشوش مليانه سعاده

الا بقا رمضان ف حارتنا

ويا اهالينا وشلتنا

زينه مع فوانيس علي بيتنا

فروع زينه ف كل مكان

لعب كوره وقت العصريه

ضحك لعب هزار مراظيه

كلو فل وميه الميه

مفيش حد يا ناس زعلان

احنا لمتنا دي بالدنيا

يعني مش عايزين حاجه تانيه

ربنا ما يبعدنا ل ثانيه

ولمتنا الحلوه تدوم

خدنا صوره كدا مع بعضينا

يلا حاجه للذكري يا اخينا

ربنا بقا يديمها علينا

و ويا بعض نكون علطول

بعد ما بنفطر نتجمع

كلنا ونازلين ع الملعب

ناس بتلعب ناس بتشجع

احلي حاجه دوره رمضان

بعد ما لعبنا وخلصنا

طلعنا ع القهوه وهيصنا

لما جيه الجون قومنا رقصنا

كلو كان مبسوط فرحان

صوم وصلا ذكر وقرأن

خير وبركه ف كل مكان

ف الشارع موائد رحمان

هي دي حلاوه رمضان

البيوت بالخير مليانه

والوشوش كلها فرحانه

ادعي ربك يلا معانا

اصل دا شهر الغفران