كلمات اغنية كل ما اقول على حد كويس شريف المصري

كل ما اقول على حد كويس كلمات

اللي نسيني نسيتو وعادي

من بعدو انا كملت حياتي

مش هبقا خلاص غير ع الباقي

واللي يبيع خارج حساباتي

اللي معايا اكيد كسبان

واللي خسرني زمانو ندمان

انا فرصه ومبتتكرش

و اللي عاشرني اكيد فهمان

انت وهو وهي وغيركو

تمشي ويمشو وييجي بديلكو

يبقا بجد انتو تعبانين

ياللي فاكرني هموت من بعدك

معلش ابقا اكشف علي نفسك

يبني انا من حساباتي كرفتك

زيك زي كتير تانيين

هو يعم الحمدلله

انا اجدع حد هتلقاه

طول عمري انا مظبوط وبشرف

واللي يعوزني بسد معاه

وجهه وكل الناس شهدولي

طول عمري انا عايش ب اصولي

ايوه انا عامل نفسي ب نفسي

واللي انا في دا عملتو بطولي

مش هتشوف انسان ف وفائي

خدلك لفه كدا مع الباقي

وانت هتعرف ان في فرق

قلبي ابيض من ناحيه كلو

مش زيكو ياللي بتصفرو

مش فاهم علي ايه بتتغرو

اهدو شويه وبطلو حرق

خش يا صحبي خلاص جيباك

اكرف عادي خليك بهواك

كبرتك قومت مصغرني

دا مفيش غيري وقف وياك

عادي يعم انا مش زعلان

بكره انت اللي هترجع ندمان

اصل انا عمري ف يوم ما اتعوض

بكره توريك الايام

كل ما اقول علي حد كويس

يطلع ناقص ولا بيميز

كلها بتحور و تمليس

بس انا صاحي ليكو وفايق

لو كلها كرفت مش هكرف

علي مبدأي ولا عمري انا هخلف

دنا لو وسط قبايل هصرف

طول عمري برنس و ع الرايق

هي حبيبتي يا خلق وبس

اللي الحب معاها اتحس

اكرف اي بنات من اجلك

دنتي التوب وكلها هلث

انتي العين والنني كمان

يخربيت ام الجمدان

هو في حد جميل كدا يعني

دي ملاك علي هيئه انسان

بصو دا صاحبي اللي بيعشقني

دا اللي ف اي حاجه بيلحقني

سالك ليا وبيفوقني

يزميلي انا بتشرف بيك

احنا اتنين والقلب دا واحد

حاطين ع الاخصام بالجامد

يعني تفكر فينا تعاندا

صدقني ف ثانيه هننهيك

بص يعم يا ابو الخفافيش

اللي قصادكو مبيجليش

يعني انت وكل اللي تجيبو

هلث ف هلث ميشغلنيش

من امتي انا منكم جليت

عايزين فعل بلاش حواديت

عاملين نفسكو ابطال جيلكو

ومشوفتش ليكو غير تكريت

اسمي يشرف سيرتي دي سابقه

و ف اي حوار كلمتي فارقه

علشان كدا كلها متضايقه

اصل انا حارق دم الكل

اي كلام خلصان من اجلي

عمري ما كنت بخاف ولا اجلي

دنا ابطال بلدك تشهدلي

ان انا راجل زي الفل