كلمات اغنية لا عرضت قدم المنصه جفران بن هضبان

لا عرضت قدم المنصه كلمات

يالله ونت الملتجى في النوايب والكرب

نطلب الله ربنا في السجود وفي الركوع

يحفظ الله راعي الحزم زيزوم العرب

حاكمن خـلا بـلاده طلـوع في طلوع

واحفظ اللي حط للدوله العظمى مرب

حط للتطوير رؤيه و لحــدوده دروع

ذا ولي العهد من دلـة معــزي شرب

لين هـز الكــون كله وقاداته خضوع

في ترندات المواقع وفي كـل الربوع

فيك يالرسام غنت هجوسي من طرب

انت خطاف البيارق ودهــام الجمـوع

جعل نجمك يابو منيف يبطي ماغرب

يا عجبنا في المواقيف يالسيف البتوع

تعتزي بمنيف ومنيف يفني لا حــرب

لا تقــــدم ما يعـرف التقهقر والرجوع

وسم سيف يــروع القــوم لا منه كرب

للحزام اللي له السبق في خزم الطموع

مارضيت الا بالاول وضيقت السـرب

عادتن لك ي ابيض الوجه تنزعها نزوع

شاف ما يعمي عـيـونه وزبنها قطوع

سيف شـراب الفناجيل معهود الذرب

بالبكــار العـالـميـات زينـات السنوع

وان ورد عبدالله انحاش خصمه واغترب

غـادر الصيهد يجمــع فطـيره والتبوع

يوم دقت ساعة الصفر والموعد قرب

واقبلت نزاعة القلب من بين الضلوع

وسمنا يقلــط بصـدر المنصه ما ترب

ويتمثنى ذروة ارقـاب زينات الطبوع

ايه رسامات عـزت عرب وانهت عرب

تخطف الناموس والقوم في الصيهد وقوع

الغـزايـز تفهق اللي مــلازمها الجرب

مشترى التجميع من كل شكل وكل نوع

سودنا ما دامت الشمس تبدي وتغرب

ما تعرف الا الصــداره ولا عنها رجوع

لا اعرضت قدم المنصه نشوش وننطرب

واقحطان اهل الحمـايا لهم جمع يروع

يالحمالي كل من سمع بقدومك هرب

فالك الفنجال لا دار من قبل القــدوع