كلمات اغنية لبس تاج المراجل فهد بن فصلا

لبس تاج المراجل كلمات

ياسلامي على كل ابلجً وافي

ترفع الراس بالنوماس وقفاته

راسي وبينً في كل ميقافي

من هقا فيه جا من فوق هقواته

ياعجب عين منهو درعه الضافي

ينجلي همه وتكثر مسراته

قاسي الباس يمن كل مختافي

هو مقر الظفر لاجات حزاته

والله اكبر إلى عددت وقفاته

ترفع الراس وقفاته وتنشافي

موقف العز والناموس مافاته

ابن ذروه فهد هو نسل لشرافي

من بغى المرجله فيسوي سواته

لبس تاج المراجل واسرف اسرافي

بالجمايل وللعليا طموحاته

يرتكي للحمل ويصيب الاهدافي

في علوم الفخر تصعب مجاراته

يفعل ان قال طال وبالوعد يافي

يوم غيره عجز ماقام بثباته

فاز فيها الكفو بإعلى شهاداته

بين لي عن المستور والخافي

وكل رجل ٍ بقدراته وهوماته

عقبه ياقصدي ماحصل كافي

واطمح وشم لمن بالعز نياته

مارجا بالجمايل من حد ٍ قافي

والمواجيب ينطحها بهاماته

نايف وكايف ٍ من عصر الاسلافي

شامخ ونادر ٍ في كل ميزاته

قمة النايفه للحر مشرافي

مايروم الطمان بكل حالاته

ضيغمي من مغن المجد يستافي

مجد الأجداد يبني صرح طولاته

هو وقلت نعم خلاف واحلافي

امتلكها بصيت العز ورواته

يشهد الله وخلق الله عرافي

عز ربعه وكسب الطيب عاداته

نفخر بسمعته وبفعله الشافي

حيث في الطيب صولاته وجولاته

ذخرنا في القسا والموقف الجافي

سيف بتار عز وكار صطواته

ياخذ الثأر مايحتار جزافي

مرهف الحد عوق الضد ضرباته

جالي الهم لابن العم مجدافي

لاسطفق موج هوج اعتا محيطاتك

ينجي المبتلى من سو الاتلافي

هو حجا من لجأ يبشر بمنجاته

كم وكم زال هم وغم وجحافي

وكل من لاذ به ينسى معاناته

ابن ذروه فهد يسعى ويطافي

في سنام الفخر والمجد ميقاته

وقمة العز له مشتا ومصيافي

فوقها ثابته بالعز راياته

شهم شواش مطنوخ ٍ وعسافي

يعسف الكايد بعزمه وقدراته

محزمي لاقست ليام وسعافي

ذاخره للزمن لا اشتدت ازماته

معلومات الاغنية

شيلة مهداه الى الرائد فهد بن فلاح الهاجري

كلمات جابر الحرقان

اداء فهد بن فصلا و فالح بن فصلا