كلمات اغنية لقبوك الطيبين امير فهد بن فصلا

لقبوك الطيبين امير كلمات

لا قضا ثلث النهار و بان لـ الظلما مواري

والسهر بانت ملامح جيته و اوما بـ قيده

ادري ان الليل يسرق من مواعيد العصاري

مثل مايسرق شعور المستمع مطلع قصيده

والقصيده بنت شيخ ما لها بايع و شاري

ما تبي غير الشجاع الي مواقيفه تليده

شاعر يسبح بحور الشعر و يعس الصحاري

وان فتح باب الشرايد ما ترك منها شريده

لكن الليله مع الابداع لي وقفه جديده

مرحبا و الهيل لا من خالط البن الهراري

والشحم والعود الازرق دايره قرم ووليده

انت يا محمد جميلك ينذكر في كل طاري

لا غدا كل يفاخر في بناخيه و عضيده

لقبوك الطيبين امير وانت الغيث جاري

ما خذيته غير لك يمنا فعايلها شديده

عاد انا خالك وحالف ما يشل الحفل غاري

لو بجنب عنك شفت بعين الاصحاب النقيده

يا محمد يا سليل المجد لا جات العثاري

في كنف بشتك تذرى خايف ماله بديده

تنطح الكايد وكنك ناطح فرصه سعيده

ما على فزعتك زود وما مع فعلك مجاري

ماخذ من ونعم قسم بين خلق الله يزيده

وانت يا محمد سلاح لا بدا وقت العزاري

ماهو سلاح نهدد به و لا شفنا مصيده

وانت ميراد الضعيف الي يدور له مذاري

تامنه من خوف عقب الدم ما خدر وريده

دام لك عود ليا منه فرا الاصحاب فاري

يرتكي للحمل لين يشوف فالدعوه ركيده

من نشد عن بيت مانع ما تضيعه الحواري

شاف ضوح الضـو شبت داخل الجهرا وقيده

يذبح القعدان لاجل الضيف ماهوب امتواري

في سبيل الضيف يفني كل دينار برصيده

ترثة اهل العز يوم المجد له كاتب وقاري

حافرين اسم الظريس بصفحة العز المجيده

ايه و العجمان مثل النور في عز الظهاري

نركب ظهور الخيول ونكتب التاريخ سيده

ما تركنا الثار تمسح حرته ريح الذواري

بندق قد ثورت في بطن راعيها وكيده

يا العيينه جعل قاعك يمطره بالغيم باري

قد كتبنا فيك مجد كل سيسانه جويده