كلمات اغنية للاحزان فقط زياد الدساس

للاحزان فقط كلمات

بطلت اكتبك ياللي الخيانه غيتك

و دي ديتك روحي ربنا يديكي على قد نيتك

بعدي عنك ده هديتك دي مكافأة نهاية الخدمه

غلطي اني كنت بحب بذمه في عالم رمه

ششش ولا كلمه لا انتي نالا ولا انا سيمبا

ولا ده كان حب ده كان لعبه ولا ده كان وعد لا ده كان كدبه

و عادي في بيتها هنسى يوم ما انا حبيتها

هي سابتني علشان صاحبي و صاحبي سابها عشان صاحبتها

منتيش من توبي بيتي ازاز و حدفتيني بـ طوبي

و حبي ليكي انا اعتبرته تكفير عن ذنوبي

و مين يساعدني حتى انتي برضو تعبتي

اول ما امي دعتلي يبعد عني ولاد الحرام بعدتي

هتموتي من غيري لا بصراحه دي وسعت منك

مبقتش بحزن تقدر تقول معنديش قلب

وحشتيني اركن يا عم انت و خليك على جنب

انا مش كويس زي ما اللي بيسمعني اعتقد

قلبي افتقد الضحك هفرح امتى يا ترى قدري اعترض

عدوي فيا اتبسط قلبي بالنغزات اتربط

لا يوجد إبتهاج هنا مكان للاحزان فقط

2

و ادينا جرحونا و قالوا ان احنا اللي ابتدينا

سابتني رجعت للاحزان قالوا مرحب بـ رجوعك لينا

من كتر القعده لوحدي خلاص بقيت مخبول

بقيت مغلول من نفسي كتبت على باب قلبي ممنوع الدخول

مذهول من اللي حصلي مسطول و ازاي اصلي

بعمل بـ اصلي مع كلاب بتزوم و تتربصلي

النغزات على قلبي بتتكوم بلاش على صوري تزوم

اخصامي مني شايطين قلبي كوره و قاموا شايطين

قلبي زي بيت قديم مبيسكنوش غير الشياطين

هنساه تفتكر زي ما هو نسيني و قدر

شيطاني بيوسوسلي في ودني يلا قوم انتحر

و الله ناسي شكلك مستعد اني افضل احلف

زيك زي سجاره مش سالكه عـ الصحاب بتلفلف

الحب ده كان حدوته تخوف كل الوشوش تتزيف

هات قهوتك و سجايرك و اسمع الدساس تتكيف

انا مش كويس زي ما اللي بيسمعني اعتقد

قلبي افتقد الضحك هفرح امتى يا ترى قدري اعترض

عدوي فيا اتبسط قلبي بالنغزات اتربط

لا يوجد إبتهاج هنا مكان للأحزان فقط

2