كلمات اغنية لليل الطواري فايز الدوسري

لليل الطواري كلمات

جيت ياليل الطواري والهواجيس الكثيره

وابتدت عزله وغيبوبه وضيقه وانغلاقه

يامجير اللي مايطلب منك غير انك تجيره

يوم ماللصبر عنده ياولي العرش فاقه

من همومً كل ماحل المساء جتني مغيره

كن من بين الفؤاد وبينها وصل وعلاقه

والدروب المجرهده والهبوب المستديره

تعطي الشاعر على بدع الطواريق انطلاقه

شيب عين وهم قلب وسم مخ وسلب طاقه

والمعنى كل ماغنى عن اللي في ضميره

كنه يطفي لهيب الصدر قدام احتراقه

وين القي يامشاهيب الغرام المستنيره

والهواء الغلاّب وقلوب المواليف الرقاقه

كل ماحاولت اسج الرجل من ديره لديره

هزت الذكرى الخفوق وسيرت حزة فراقه

ناهبً قلبي من ضلوعي غزالً مستذيره

منطلق عنق المهاه اللي يداويني عناقه

محتوى الزين الرفيع ومستوى الناس الكبيره

ومنبع الحكي المعتق بالتغنج واللباقه

والخصر يأخذ من هيام العمانيه رشاقه

يتجزل في وقوفه ويتهنفل في مسيره

كن ماعنده ضلوع وكن ماعنده لياقه

لو يفوح الورد فالبستان ويذعذع عبيره

من نسم صدره يزوده عمق ويزوده عباقه

ماتقول الا شناحً طافحً هزعاً نظيره

منوة اللي هاوي الناقه وعاشقها عشاقه

في مراح اللي يداريها ومنتجها بعيره

اول طراح القعود اللي معمقتن عماقه

او قطاة اللي لها في معترك شبه الجزيره

صيتً يشرف نباه وفعلً يكفي سياقه

تدّرج في مربطً مكنوز وقعاتً شهيره

تحت هيبة فارسً ماتجفل المرعى نياقه

ان زعل عانه يضد القوم ويرد المغيره

وان رضى عانه يرحب بالضيوف وبالرفاقه

والجناب المرحباني والمراهيف الشطيره

لايخليها تطوف ولايعرضها عْلاقه

ولايتوه ولايطيع اشوار عميان البصيره

لو يعليها الغرور ولا توطيها الحماقه