كلمات اغنية ليل الهجادي خالد ال بريك

ليل الهجادي كلمات

لو تداهمك الليالي الغبر والابواب صكت

واغلب الاصحاب مابانو معك ليل الهجادي

مالها الا هادي بن شملان لاصكت ولكت

لا اعقدت الاشوار تلقى حلها بيدين هادي

مال عود الراك والقمري يهجرع بالغناوي

وانشعف قلب حسبت انه عن اللي فات داله

لاجزاك الله خير احييت بي جرح متداوي

فترة علاجه كليفه ما لقاها بالسهاله

انعزلت من العرب فتره وانا شخص هواوي

مغلق الجوال مابغي لا الوه ولا رساله

قمت اسج الرجل واسرح من غثى الايام واوي

واتوجد وجد عود وقته امحق ماصفاله

لين عنده كل شيء صار عادي ومتساوي

الشغف في الممكنه مفقود من قبل المحاله

كلما جيت اركد البراد وانا له شفاوي

لا استوى صبيت لي منه ويبرد في البياله

من هموم تسرق البال وجسد منها متشاوي

لاتلومون الصويب اليا انبرى جسمه وحاله

بعد هذا ياسلام الله على الحر النداوي

صيرمي كرمة ايمينه ماتعرفها شماله

المراحب والهلا وراس السنام وعود جاوي

وزعفران وريح هيل وبن اشقر في دلاله

مجلسه مدهال للي طال به دهره سناوي

مجلسن يمن ويكرم من تحاما في ظلاله

ماتخيب به الظنون ولا يجي دون الهقاوي

امتفرد بالشهامه والطناخه والشكاله

تطربك وقفته لا منه ارتفع صوت العزاوي

يارد العد القراح ويسقي الضامي زلاله

لاغرابه ذي عوايد راعي الوجه الحماوي

هادي اللي كل ماينطق لسانه فيه طاله

من سلايل لابة تطلم وتردع كل غاوي

ال شملان الذرابه والشجاعه والبساله

سيرتن متناقله للناس من راوي لراوي

ولايشك بصحة الراوي حد لامن رواله

السؤال اللي يبا اجابه من شيوخ الفتاوي

الغلو في مدحة الطيب هدى والا ظلاله