كلمات اغنية مبقاش انا زياد الدساس

مبقاش انا كلمات

سرحت شوفتك بصه في عينيا و ماسكه ايديا

كله قاللي اني اتجننت و ده بـ رأي الاغلبيه

بقيتي خايفه مني كمان بتخافي تقربي ليا

كنتي تخافي من كل الناس و تيجي تستخبي فيا

انا بتجر في طريق و بقول إن انا مضطر

و انا بتضر و الحال ده مفرحنيش ولا صر

محكيتش انا اتخرست من بعد ما كنت انا بربنط

ازاي مخدتش بالي إن بداية اسمك شر

خليكي بعيده مش عايزك تبقي راجعه

سميتي الخنجر قبل ما تغزيني بجد جدعه

مش مستني تعوزيني ولا تعزيني في قلبي بـ دمعه

قيدت صوابعي العشرة و اديني بتحرق بكل شمعه

بعد البعاد هنرجع سوا و كل الحزن يركن

كان بينا معاد و اهو و فات و دموعي في عيني تملى چركن

و ادي دقني بكرة هترجعيلي و هقولك كرهتك

لو مرجعتش ليا بـ قلبك تاني هنا

لو محلفتش إن الثانيه في بعدي سنه

لو مأمنتش إن الجنه في في حضني انا

مبقاش انا

نسيتني بكل سهوله مكانتش المرة الاولى

اللي ابقى فيها كومبارس صامت و اتعشم في دور بطوله

دي كانت بتحلم بيك و مهما تشب مش بتطولك

حلمت انها هتبقى ليك و اخرتها بقيت بطولك

كنت عايزها و بس و هي دلوقتي مع بديلك

كانت معاك في كلامها بخيله كانت الفرحه معاها قليله

انت ارتكبت جريمه لما عشقت واحده لئيمه

سامحت و عديت ليها و رجعت ريما لـ عادتها القديمه

ياما استحملت جزها سابتني عشان صابها الزهق

مفيش دموع بينتها سلام كله انتهى

ياريتني كنت سيبتها كانت سودا و انا لونتها

و انا كنت جيت ليه ياريتني كنت نسيت بيت

اتبنى و هديت فين كلمة انا حنيت

شوفتي ايه مني عشان تقولي قسيت

بيعتي و انا ياما اشتريت بنتي و انا منها اتبريت

ندمتي و راجعه بعد ايه

لو مندمتش عـ الايام اللي بعدتها

لو مدفعتش تمن الغربه اللي انا عيشتها

لو مشربتش كاس المر اللي شربتها

مبقاش انا