كلمات اغنية متزعلش زياد الدساس

متزعلش كلمات

خلاص انا همشي اخترتك ليه كان لازم اختار نفسي

حبيتك ليه مع انك ولا تتحبي ولا تتحسي

ليه اخترت الزعل قلبي مات و اتقتل

كل اللي ما بينا اتدفن تعالي عزي

ولا حاجه ليه بتنسي ولا حد في ضيقتي عانني

مش لاقي حد جمبي مين يسمعني و يشيل عني

ليه مستني مع انك عني بتستغني

وقت ما زعلت مقالوش احكي لا قالولي غني

الوعد اتخلف كل احساس جوايا اتقلب

ليه لما حكايتنا خلصت جيت سألتك ايه السبب

بقيت بقعد لوحدي و ألقاكي بتظهري من العدم

قلبي مأجرمش في حاجه طب قوليلي ليه اتعدم

يا صاحبي شوف اقتلني و تبقى عملت معايا معروف

صرفت دم قلبي و راحت للي ابوه بيديه المصروف

سابتني قبل العيد و ربنا رزقها بـ خروف

انا كان مفروض لا احب ولا اتحب

من كتر الغش و الكدب انا خدت جمب

من كتر الحمل عـ الكتف بقيت متعبش

طبطبت على نفسي اما زعلت و قولتلي متزعلش

2

حب ايه حب ايه اللي انا هزعل عليه

و احن ليه لـ واحده اصلا قلبها كافيه

شوفت وصلنا لفين بدل المره ازعل ألفين

مكانتش اوبن مايند لا دي كانت اوبن بوفيه

خلاص مبقتش باكي على اللي باع و سابني

مش عايز ابقى معاكي ولا عايزك تستني

بعدك فعلا تعبني بس خلاص فوقني

مفيش رجوع ياريت تنسي الموضوع

مبقاش ينفع نكمل حبك ده اصبح ممنوع

انتي ما صدقتي حد يحبك شبع بعد جوع

حياتي حلوه بعدك مش بقول دايما دموع دموع

مش راجع لو تندهيلي خلاص مش سامع

مش عشان شاريكي ابقى انا في كرامتي بايع

وقتك خلاص بقى ضايع متقلبيش مواجع

ارميلك قلبي ليه هو انا يعني لاقيه في الشارع

انا كان مفروض لا احب ولا اتحب

من كتر الغش و الكدب انا خدت جمب

من كتر الحمل عـ الكتف بقيت متعبش

طبطبت على نفسي اما زعلت و قولتلي متزعلش

2