كلمات اغنية متفقناش على كده زياد الدساس

متفقناش على كده كلمات

اخرتها حبي طلع شئ تافه و ملوش اي لازمه

نقيتك و اخترتك من بين 4 مليار بني ادمه

كنت اهبل لما قولت عليكي ان انتي جمبي و دايمه

و ديا الخاتمه بقيت بقول عليكي اللي ما تتسمى

مش عارف اهدى مبقتش حمل مناهده

و انتي بارده شايفاني بضيع من ايدك قاعده ساكته

لـ امتى هفضل انا متعلق مش عاجبني الحال ده

سامحتك مرتين بس المره دي التالته تابته

انا هونت عليهم كلهم

و رغم اني اتجرحت منهم لسا انا بحبهم

حكيتلك عـ اللي جرحوا قلبي عشان متعمليش زيهم

مش عشان تنافسيهم و تجرحيني اكتر منهم

مشيتلك كذا خطوه لـ قدام و حبك جابني ورا

اتبقت ذكرى متبعتره هفرح امتى يا ترى

شوفتك غيرهم بس طلعتي نسخه منهم صغيره

متفقناش على كده نبعد و انتي متأكده

اني هفضل اتعب بعدك فين حضنك في عز الشتا

ليه بـ بعدك مهدده مش قولتي اننا لبعضنا

راح فين كل الكلام ده ولا كلامك كده و كده

فين وعودك فين حبك و فين عهودك

مش انا اللي كنت بـ كلمه واحده قادر اغير مودك

ازاي احميكي يا غزة و بيني و بين قدسك يهودك

انا كان نفسي تفضليلي عشان حياتي هي وجودك

للأسف مهما تسيبي ايدي عليكي هبقى

هصدق كل كلامك حتى لو انتي مكنتيش صادقه

ازاي اول ما اقولك نبعد انتي تقولي موافقه

و اما اقولك نرجع ترجعيلي بس مجرد شفقه

مش قادر استوعب فكرة ان انتي بجد كرهتيني

اكيد ده كان كلام و يومين و هتهدي و تصالحيني

احنا اللي بينا غالي مش رخيص عشان تنسيني

كان نفسي تبقي غيرهم كان نفسي اني ابقى انتصرت

كنتي نسخه من كل اللي قبلك طبق الاصل

انا اتكسرت شوفت حلمي بيضيع و اتفرجت

قليلة الاصل و مفيش لـ نقصك اي مصل

بقيت في حزني التوب اخلص چوب و اولع چوب

الدنيا دي مبقتش تطمن انا عايش في فيلم رعب

ازاي تطلبي البعد مش كنت السند و الحضن

ولا ده كله كان كلام و خلاص وقت رومانسيه و محن

متفقناش على كده ولا ده كان اتفاقنا

ان احنا يطول فراقنا و نفرح فينا اعدائنا

لو كنتي استنيتي شويه كنت هعيشك في جنه

و ادي حالنا بقيت مستني منك حتى رنه

ليه بعدنا و ليه عاندنا كنا فضلنا و اتجوزنا

اغلى حد اختار يسيبنا و حبيبنا ده مبقاش حبيبنا

طب بالذمه مش كانت كلمه واحده كفيله ان احنا نرجع

نفسي اسأل عليكي بس خلاص معادش ينفع

كله خلص شوفتها بتضحك مع غيري و بتفرس

كل يوم بقول خلاص نسيتها و ارجع تاني انتكس

قلبك بكس حب كل الناس و معايا اختار يتوكس

انا ليه هفضل زعلان على واحده عاشت و اتجوزت

ضحكت للدنيا و بوزت على ايه انا بتحسد

ده انا معلق حياتي بـ مكالمتها اما بتتصل

مبتتصلش الظاهر كده معهاش رصيد

كل عيد و انا و انتي بعيد

يا عم سيبني مش واحده زي ديا هتحزني

انا مش زعلان و الله ده درس الدنيا بتعلمني

كنت بحارب عشانها و هي كانت بتحاربني

مخسرتش اي حاجه هي اللي عبيطه و خسرتني

كله انتهى صورتك سودا و لونتها

فاكراني هصدق تاني كلامك لا يا حلوه ده عندها

غلطان ما انا صدقتها و طلعت في الاخر نداهه

ايام و سنين هواكي خلاص انا ودعتها

بيعتك ببلاش مع اني كنت مستغناش

و الفرق بينا ان قلبي مات و قلبك انتي عاش

انا منسيتهاش و فيا جرح مبيهداش

هي اللي محبتنيش و قالت اني محبيتهاش

متفقناش فـ كان طبيعي ان احنا نفركش

و الجرح لسا في قلبي معشش

وشي من الاحزان مكرمش مبقتش انام ولا برمش

متقربش عشان متتعورش انا قلبي ازاز متدشدش