كلمات اغنية متهمش الجوكر

متهمش كلمات

المنبه رن لكن الهدف من الصحيان سخيف

تكملة النوم مش اختيار المستقبل مخيف

مفيش جنب بترتاح عليه عشان سريرك حجر

مشيت ورا كل خيط وانجازاتك رف بكر

حتى القهوة بتستناك تسرح للحظة عشان تفور

الطفل اللي خاف من الضلمة كبر بقى يخاف من النور

اول ما بتبقى انفراد وباقي بس تشوط

بتبدا تسال نفسك عن حقيقة الوجود

الفرق بين العبقرية والجنون بهتان

اكيد النص الفاضي انضف من نصي المليان

عشان فشلت في التعايش جيت جهنم الانتقام

قسوة العلامة انها بتمنع رحمة النسيان

مادام بنعيش نفس النهاية في اخر السيناريو

وليه بنكون اشخاص مش احنا طول ما الضوء علينا

ادي تاني منبه رن لا منها نمنا ولا صحينا

مفيش شئ متمش وكان غيابك متمش

كل الناس جراحها لمت جرحك ليه ملمش

بعيد عشان متهمش ولا عشان بعيد متهمش

عنيك فضيت فضا جماد مكرهش ومحبش

مفيش شيء متمش وكان غيابك متمش

كل الناس جراحها لمت جرحك ليه ملمش

بعيد عشان متهمش ولا عشان بعيد متهمش

عنيك فضيت فضا جماد مكرهش ومحبش

ولد صغير حلم كبير ولما كبر الحلم مات

عجيب ضعف البشر وعجيبة قوة الكلمات

كلنا اسباب ده صاب عشان ده خاب

بس طول ما البشر سلالم اعرف ان اللي فوق كلاب

ملحقناش نشوف النور وصلنا والشعاع مكسور

سيبنا الارض لاجل بذور رجعنا لقينا الارض بور

مضيت على ان مستقبلي مش احسن من ماضيا

اسيب الجامع اقلع القفطان البس قبطان

اسوق سفينة تغرق ارقص رقصة القرصان

بطريقة غير مباشرة الدنيا قالتلي اقف بعيد

لما كل شئ قربت منه مات ببطىء شديد

هعمل ايه في قفص بجناح سؤال ايه اللي انا جوابه

تملي في ايدي في مفتاح معرفش بابه

مقدرش اختار ما بينكوا واخسر نعمة المحايد

حب واحدة ميتنسيش بواحدة يتنسى بوحايد

مفيش شيء متمش وكان غيابك متمش

كل الناس جراحها لمت جرحك ليه ملمش

بعيد عشان متهمش ولا عشان بعيد متهمش

عنيك فضيت فضا جماد مكرهش ومحبش

مفيش شئ متمش وكان غيابك متمش

كل الناس جراحها لمت جرحك ليه ملمش

بعيد عشان متهمش ولا عشان بعيد متهمش

عنيك فضيت فضا جماد مكرهش ومحبش

نفس المطعم والاوردر متخاطرش دقيقة

طعم الملل احلى من خسارة جديدة

رص مزيد من لا شيء مزيج من الحمول عليك

بص عمرك من قدامنا عدى نسيك ده ولا ايه

بتعمل مش مهتم ولا مش مهتم فعلا

ضد او مع الغريزة لما الموجة تعلى

الاقوى دايما صح والاضعف مقالش اشمعنى

ما هو لو كل واحد طلب حقه الدنيا مش هتسيعنا

قريتنا وش فقر وناسها وش خوف وجهل

البنا ما بينهم صعب بس الهد بيهم سهل

متقولش زي العامة ان الفشل محتاج شماعة

نار القلق تحرق كيلو نيكوتين في ساعة

كل عيون كلاب حارتنا مفارقتكش لحظة

مخالش عليهم انسحابك قبل كل رقصة

عيب المبدا انه فضحي والذكاء له ريحة

مهما دبحت نفسك مش هتبان دبيحة

مفيش شئ متمش وكان غيابك متمش

كل الناس جراحها لمت جرحك ليه ملمش

بعيد عشان متهمش ولا عشان بعيد متهمش

عنيك فضيت فضا جماد مكرهش ومحبش

مفيش شئ متمش وكان غيابك متمش

كل الناس جراحها لمت جرحك ليه ملمش

بعيد عشان متهمش ولا عشان بعيد متهمش

عنيك فضيت فضا جماد مكرهش ومحبش