كلمات اغنية مجرودة سيناء ارض الفيروز محمد ابو سالم

مجرودة سيناء ارض الفيروز كلمات

بسم الله يومن سمينا

او ع الهادي يومن صلينا

ردينا الخاين عن سينا

والمحرق في كل مكان

والله يحيي المستمعين

اللي ع الساحه مجتمعين

احرار تقود ملايين

اتشرفنا ف ارض الميدان

لهم منا مليون تحيه

ابطال الجوره والمهديه

فخرنا في كل البلدان

.....فخرنا بكل الميادين

ابطال نشاما معروفين

سواركه ولا ترابين

اتعاهدنا نحمي الاوطان

اتحالفنا نقضي ع العوز

ونجيب الخاين ملزوز

انرد لسيناء ارض الفيروز

لو كلفنا مهما كان

اتحدينا القاصي والداني

اوقفنا في صف العاني

ارميلي وسويركي وترباني

ارجال وقت الشدة تبان

وع الجبهه ثابت حضور

وبنحيي كل الجمهور

اللي متابعنا من زمان

الشيخ زويد يا غالي

كلها نشاما ورجالي

وانشهد مقامهم عالي

مافيهم واحد فتان

يا ذيب مافينا قايل

كلنا عربان وقبايل

ما نريد الهرج المايل

ولا بنريد الخوان

الوضع معنا مش فارق

نمزحهي حارق مع خارق

نمرشهم مرش المطارق

بنعدل وضع الخربان

ان صارت عليهم غارة

سواركة قلوبهم جبارة

بزرهم تلمح شرارة

قلوبهم حجر صوان

جيناكو من قبل المية

ارميلات اهل النخية

ما واحد بيخلي اخية

انشهد انهم شجعان

ارميلات قلوب قوية

من غربي رفح بشوية

حديدهم يدوي دوية

اصغرهم لة قدر وشان

يا مسند ع راس القوز

لا تركب غير الكروز

والهامل خذة عالبوز

اصحي ترجرج يا فلان

نشاما والقلب قاسي

ما يركبو غير الشاصي

داعسين ع داعش الخاسي

مافيهم واحد جبان

يلي في سيناء صامدين

سواركة مع ترابين

ارميلات كحل للعين

معروفين بين البدوان

سواركة مع ترابين

عالجبهة متوحدين

يردو حق المسكين

دايم في قلب الميدان

غنينا بدون ميعاد

اختمهي بالخير يا اجواد

صلو ع خير العباد