كلمات اغنية مدهش الروقه خالد ال بريك

مدهش الروقه كلمات

بعد الغياب عن القصيد ايام وشهور وسنين

البال رايق والقصيده ما تبي شخطة قلم

عطيت حسادي فرص ماهي بمره مرتين

والحين عندي مالهم غير المراره والسقم

سبحانك ليا من مكرت تصير خير الماكرين

مكر الجلال اللي على المكار يبطل كيدهم

ياالواحد اللي بامره ولطفه جعلنا مؤمنين

يا العالم اللي علم الانسان مالا قد علم

نردد ليا ضاقت ان الله على الدنيا يعين

والوقـت هـذا ما يبي رجال مهدوم عزم

اكتب لي من الخير والتوفيق والدر الثمين

انا بدونك ياعظيم الوجه دربي من عتم

ومن خيرة الاجواد لي خوه و شروا للنعم

اعرف قصيدي واعرف الشعار لو هم غايبين

ماجيت ادور لي فلاش ولا بحثت عن الدعم

من لابة ربي مسلطهـا على المتسـلطين

ذباحة الحايل وعايلها ترا قسمه لطـم

عتبان لا منا دحمنا ندحم بجنب متيين

واخصامنا تقدم على درب المهالك والندم

الروقه ليا حاربوا شفت الخصوم مفرقين

وبـرقا تـراها دولـة ماهيب والله تنهدم

عندي من الروقه ماهو واحد يعد الا ثنين

لـ مدهش الروقه تحيه تاقف بساق وقدم

فرز الوغـى لا صار فـ الايام دورات وكمين

مجمل عتيبه بوقفاته على عزم وحزم

عبدالله ليا قام عند الطايله حصن حصين

دكتور طيب ومرجله تشهد على راس وعلم

ما قد تكلم غير بفعوله وفعله لك يبين

وليا وعدك اوفى ولو وقته قليل ومزدحم

يعطي ماياخذ بس ياخذ للضيوف ام الشحم

في قصره العامر ليا من جاه بياح الكنين

مداته اما جــيب ولا بيــت ولا ما قسـم

فك الرقاب ولا اكتفى ماقال فكيت السجين

في بيت رب الكون حط المال معتبره سهم

واخوه درع الجنب وحزام على يده اليمين

والمدح اشوفه لا بدا في غيرهم ماله طعم

الطيب عنده مثل دنيانا ومثل الاكسجين

راس اصوك دايم على درب الشجاعه ملتزم

ابو سهيل مروض الصعبات بالفعل السمين

وقفاته تبرد كبود وعلة كبود الخصـم

عند النشايب رقمه القاسي وراس مايلين

زبن المعيف اللي حياته كلها راحت عدم

من طيب راسه لا ذكرته غاب ذكر الطيبين

الصامل اللي فالمواقف مستعد ومحتزم

حب المراجل واجبه ما يعتبرها فرض عين

يكفيك لا منك بغيت الطيب ناده بالاسم

قلت الجبل قال الجبل لا جيت خليته طحين

وسط الرحاه لكل خصم معترض ولا قدم

ف ابوانهم بالفعل ولا الجود دايم مقتدين

اللي مجالسهـم تعلمهم على معنى الكـرم

عضيان يوم ان القبايل دون خشم المارتين

في صفهم حبة خشم في ضدهم فركة خشم

يوم ان جيش الترك في مجرور جوهم طامعين

جاهـم مـن العـضيان صـف ما يميل وينهزم

لاد السحيل بهيبة تكسر عيون الصامليـن

عز الرفيق ووسمهم ما هوب حي الله وسم

في مدحنا لا من مدحنا حاضرين وصادقين

عند الهقاوي لا بدا اللازم ويلـزم مـن لزم

رد الوفا واجب علينا و اعذروا يا العاذريـن

والمدح اشوفه لا بدا في غيرهم ماله طعم