كلمات اغنية مشيتلك طريق زياد الدساس

مشيتلك طريق كلمات

مشيتلك كذا طريق و في الاخر رجعته لوحدي

حتى همي محدش شاله عني عيطت و محدش شافني

دلوقتي بقوا يسألوني بتضحك ليه

ما انا حقي اني اضحك عيني جت في عينها و عينها جت في عينيه

ودعت الليل و قولت الصبح صبح كل الكون ده ضلم

متعودتش اقولك لا طلبتي اني ابعد و انا نفذت طلبك

و انا عارف ان جرحي مكانش قصدك

قولت ان انا محتاجلك مرجعتيش مع ان كلامي وصلك

فـ كده كل اللي فات قتلني كل الكلام اتقاللي

اكتئابي ندهلي مع انك كنتي ما تستاهلي زعلي

ودي يا ليالي ودي و قولي محدش عيط قدي

كنت ادي في مشاعر و اخد حرقة دمي و علب سجايري

حاولت اني انسيكي ماضيكي و اديكي بعدتي و فين اراضيكي

خليتيني حزين و دوستي على قلبي البرئ

كنت عارف انك مش راجعه بس انا مشيتلك طريق

مشيتلك طريق يوصلني ليكي

لقيت الطريق بيبعدني عنك

و قربت فجري يدوس نور عينيكي

تاهت في الليالي ملامحي و ملامحك

تاهت في الليالي ملامحي انا و ملامحك

كنتي في وسط الزحمه لكن كنت بـ قلبي لامحك

انا كنت بولع من جوايا و كنت بداوي جرحك

ازاي بعد اللي عملته عشانك تخونيني و اقدر اسامحك

و اللي اول مره لي غير اللي اتعود عـ التعب

حاولت اضحك و اقول تمام و غصب عني عياطي غلب

عيني كانت بتدمع غصب عني يا حزن متعبطش

قالولي انك عيطتي بس نسيت اللي زيك متعيطش

كنت بغني عشان نرجع مكنتش عايز منك سقف

الدنيا بتعاندني و بتضربني كف ورا كف

انا كنت بقرب ليكي خطوه و تبعديني ألف

انا كل احلامي بعدك كانت اني اكون في قبر

و انتي زيي كنتي مستنيه موتي بـ فارغ الصبر

كانت دموعي بتنزل وقت ما تنزل دمعه من عينيكي

ولا عرفت ايديا حتى تضلل عليكي

لا عرفت ايديا تضلل عليكي

ولا قدرت اصونك ولا عمري خونتك

و اديني حبيبي في بداية رجوعي

و واخد معايا اللي باقي في شموعي

و من بين عيونك بتنزل دموعي

و من بين عيوني بتنزل دموعك