كلمات اغنية مش نصيبي زياد الدساس

مش نصيبي كلمات

كان نفسي نكون سوا في المستقبل

حبيتك و انتي شيطانه و لو غيرك ملاك مش هقبل

انا كنت بسامحك علشان شوفتك بنتي مش عشان اهبل

بحلم بيكي كل يوم دي مش احلام ده كأنه مسلسل

مبيخلصش تيجي سيرتك فـ الهموم تترص

بفتكرك و ابكي في صمت كنتي حلم كله فيه بص

ده مرض ملهوش مصل ده دور لكن كومبارس

مبقاش يفرقلي نوع الحجر إن كان سلوم او قص

ما انا صدري بقى متبنج حتى قلبي انا مش حاسس بيه

اتغيرت انا للشخص اللي انتي مكنتيش بتحبيه

لو كنتي فضلتي جمبي كان زماننا مخطوبين

و كنت هقول احلامي اكتملت رغم انف الحاقدين

اتكسرت فرحة قلبي بعد ما روحي انا اتعشمت

ضحكتلي الدنيا مره بس رجعت اهي كشمت

مسحتلك دموعك بس انتي مسحتيلي ضحكتي

انا اتعشمت فيكي ازاي يا شمسي تغيبي

حسستيني إن في ايدي جمر اما لقيتك بتسيبي

طب يعني ايه هتقولي لغيري خلاص حبيبي

طب ليه قابلتك في طريقي اما انتي مش نصيبي

2

ليه بتبلك هو انا يعني مكنتش استاهلك

بس الحق عندك انا اصلا ذات نفسي تاعبني

انا كنت حبك اكتر من كل اللي قبلك

مقدرش الوم اهلك عشان اهلي اساسا رافضيني

عدي كام مشكله و عدي كام خناقه و سب

بخاف من كل الناس و السبب الرئيسي الاهل

كام مره اتخانقوا معايا و اتطردت بكسرة قلب

و اخيرا سمعوا كلامي مره و آمنوا بـ اختياري

وافقوا اني اتقدملك عشان هددت بـ انتحاري

خلاص قربنا نتخطب اخيرا طفت ناري

و كل شئ اتهد عشان قرار مكانش قراري

سهرت طول الليل بعيط و انا معرفش غلطت في ايه

طب و الفلوس اللي انا حوشتها و جيبتها بـ دمي

معرفش عملت ايه او حتى ابوكي رفضني ليه

لكن مقولتش غير تمام و مع السلامه يا عمي

انا اتعشمت فيكي ازاي يا شمسي تغيبي

حسستيني إن في ايدي جمر اما لقيتك بتسيبي

طب يعني ايه هتقولي لغيري خلاص حبيبي

طب ليه قابلتك في طريقي اما انتي مش نصيبي