كلمات اغنية مظبوط وصعب تهزني محمود معتمد

مظبوط وصعب تهزني كلمات

شيلو اتواب الجدعان عشان مش جايه متأصله

جلابية الخاينين تمام و عليكوا متفصله

وقت العتاب عدي و خلاص فات اللي فات و انقضي

يا خساره العمر اللي راح علي ناس جابتنا لورا

مظبوط و صعب تهزني

بختك لو انت زاملتني

دا لأجل سلكان نيتي

مش هتلاقيلي مالكه

صايع و لكن محترم

انا ف التاريخ زي الهرم

انا نسخه ياض واحده

كوكب غريب الصح عيب و الناس مايتعشروش

مطمرش فيهم عيش و ملح دي ناس مايتأمنوش

انا شوفت ياما لكن بعدي لأجل مخسركوش

بعد اللي كان قلبي اللي هان قرر مايعرفكوش

انا كل ما اسأل عنكم

يقولولي احذر منكم

طبع الخيانه ف دمكم

اصل البشر كدابه

يخربيت القلب الوفي

اخرتها عايش منطفي

تعبان و فعلا مكتفي

ملعون أبوها طيابه

و ماتعملوش فيها معلمين و انتوا بلاش ف بلاش

امشوا بمزاجكوا هتيجوا لما تشموا ريحة الكاش

الفرق بيننا يا واد كبير و الروس مابتتساواش

ما اللي انت جايب أوله

أنا جبت آخره مقفله

اظبط كلامك و اعدله

يابني انت ولا حاجه

و اللي انت نفسك توصله

من فتره نفسي أبطله

يابني انتوا من غيري تعطلوا

ما تبطلوا سذاجه

باركولي ع اللي حصلي مش بعت اللي كانوا رخاص

بإيديا دلت اللي فات و معدش منه خلاص

كل اللي بينا اتداس عليه مطمرش حتي يا ناس

اشتاق لمين و ارجع لمين دول معدومين احساس

مبقاش خلاص متشالكوا

جوايا حاجه تشفعلكوا

بعد اما شوفت انا غدركوا

قررت اني انساكوا

ما انتوا اللي عايش وسطكوا

لازم يكون يشبهلكوا

و انا عمري ما هكون زيكوا

ولا هبقي تاني وياكوا