كلمات اغنية معشوقة الجماهير سمو الشعل جفران بن هضبان

معشوقة الجماهير سمو الشعل كلمات

يا رسول النذر هاك النذر فالبيوت

رد عنا العلوم اللي يذعذع خبرها

عابي الدله اللي من ورا حضرموت

واردن بنها وبهارها ما ذعرها

دلة بطنها فيه السقطري كحوت

وانت عاد اعتبرها مثل ما تعتبرها

يا ذخاير هل الطاله كبار البخوت

القريحه جفول طيب ذكرك ذعرها

طامح وراس حماي المواقف مهرها

ارجحن عادته فالشوط حرق الكروت

وان دخل سوق غالية النوادر حكرها

وان تقدم بإسم ربعه جمال التخوت

دور انشط محاميل الثقال ودفرها

ايه يا صلب جدي حانت ولا تفوت

دقت الساعه اللي كلنا ننتضرها

انشر البيرق ولا يفرحون الشموت

والمواقيف شرهتها على من حضرها

ياهل الشعل جينا والصموت الصموت

هجمتن قدلنا عامين نرسل نذرها

والعلوم الطويله عندنا مختصرها

عندنا فارعن فنجالها عنزروت

في ذرا صيرمين للمداحم ذخرها

واقفن دونها مثل العواجي ونوت

لو نفض خزنته سوامها ما ظفرها

يفرق السوم بالمليون ونقول موت

مابعد جبت قيمة قطعة من وبرها

هذي اللي ثمنها لابسين البشوت

والمجاويخ في غبر السنين وقشرها

اما ذالحين نقطع بإسمها كل صوت

من يقاوي بنات ركابنا ما قدرها

اقبلي يا سمو الشعل ما فات فوت

حرمة البيع دونش تو مأزهر ثمرها

واقربي جارش الله من عيون النحوت

والعرب يابو نحيان متع نظرها

كنك اللي تحرك عرضها فالريموت

لا تقحم على صوت العزاوي سطرها

خلهم فمعركها شوكة فبطن حوت

لين تدي العذار اخصامها ونعذرها

اودع احلامهم يا آبا العوايد اشتوت

مثل عاما وقبله وانت من ذي و أرها

صبح الجل لين يثور به دينموت

بالفتاه القريع منومسة محتكرها

طافح تدعي الله صاحب الملكوت

من تسنادها اتعد القراد فنحرها

جات مافي رقبتها المارعه مايقوت

عن تواصيفها يكفيك وسم شهرها

كنها في ميادين المرا جيلبوت

أبحرت من موانيها تخوض امعبرها

لين تعلن على عرش الشعال الثبوت

والسعد مقتفيها كان ربي ومرها

في مجال الشعل نمرض لكن مانموت

والنواميس نذرعها ورا من شبرها

لا دفعنا الغزيزه في نهار النعوت

والمرازيق تقداها وتحذف اغترها

موكب يدحم بالكبر والجابروت

في ذرا لابتن ما ينطح منتحرها

لا اشهروا فوق الانضا كل سيف بتوت

ينعرف وقعهم لا لوحو في ظهرها

لاشتبك عجها لعيون زين النبوت

نستر اللي تسوج بكحلها فمحجرها

فالحرايب نبني عاليات البيوت

حومة الحرب حنا اللي نولع شررها

كم زعيمن حذفنا للسراحين قوت

كم وكم دولة فعل الهواشم كسرها

شجرتن ما ورقها للقصير امحتوت

شايخين قصراها لين ترجع ديرها

ما نسجنا الفخر من خيطة العنكبوت

غير باللي تداول بالمجالس اسيرها

مجدنا يحكي الواقع وحنا سكوت

لابتن من بغا الطالات يتبع اجررها