كلمات اغنية مقدم الشيخان جفران بن هضبان

مقدم الشيخان كلمات

استديري ياهبوب وذعذعي والكيف طايب

شاعر عندي كلام ويشرح الواقع دليله

العرب ماهي سوا والناس ذا مخطي وصايب

والفعول انواع والتاريخ يكتب في حصيله

مرحبا ترحيبة فيها من وصوف السحايب

للضيوف نردها بسم ال لجعه والقبيله

فالها العود المعتق واسمن انواع الجلايب

والقبال اللي ينومس كل رجل ينتمي له

مثل براق الحيا اللي تتبع البدوان سيله

مقدم الشيخان قاضين الحجج منصى الركايب

محزم الشدات لا من العميل ارخص عميله

يال لجعه يال لجعه مجدكم ماهوب غايب

فالسنين الماضيه وتجددونه كل ليله

يامجاويخ الحروب ويامقاديم النوايب

ياهل الراي الوجيه وياهل الاسما الثقيله

ان حربتو تتعبون الخيل والعوص النجايب

وان عفيتو يامن الخايف لو الطرقه طويله

يوم عاد الناس في شده وفي جوع وطلايب

فعلكم بين العرب فارق ومدتكم جزيله

لا احتمى الماقف وقرب الشر من خشم الفتيله

وقعكم يوم التقى جمع الكتايب بالكتايب

يمن البل فالمراح ويستر البنت الجميله

لا اعتزيتو ب ابن لجعه لعنبا من كان هايب

ضربكم يوم الوغا فالشيخ ولا في وكيله

عجمة الوادي حمول الخيل في يوم المصايب

ال مطلق فزعة المبلي مداغيش الوهيله

خيل الضيقا الوعيلي يوم عاد الامن سايب

عزوة ماهي على تاريخ الامجاد ب دخيله

العجايب سبع وانتو ثامن السبع العجايب

ماخلق فيكم جبان ولا خلق يمنى بخيله