كلمات اغنية مكانك فاضي زياد الدساس

مكانك فاضي كلمات

كانوا فاكريني بارد بس من جوايا انا دمي فاير

انا الاحزان كتير عندي و ممكن اعبيها في شكاير

مكسبتش اي حاجه انا حياتي خساير في خساير

معازتش شئ يقتلني غيرها فـ قالتلي بطل سجاير

مش ده اللي كنت نفسي فيه

الطفل اللي فيا احتاج يتطمن مش تخوفيه

عملت كل حاجه لحد مفيش حاجه بتكفيه

قولوا للحلو اللي جاي خلاص مبقتش مستنيه

ده انا كنت بصدق كل كدبك

مكنتش عايز اهون كان نفسي تقوللي بس بحبك

كان نفسي تمسك فيا وقت ما سيبتك

الدنيا قالتلي شوف بتحب ايه و انا هاخده منك

اظن كان من حقي إن انا لو مره واحده اتطمن

من يوم ما بعدتي و الحياة بتضلم

اجيبها يمين اجيبها شمال من الناحيتين بتضمن

مكانك فاضي و انا مش هملى

جرحتي قلب ميقدرش انه حتى يموت نمله

كان نفسي تعامليني بنفس المعامله

طب ليه قولتيلي بحبك معقول كانت بس مجامله

2

اول يوم في البعد عدى نمت معيط عـ المخده

كل شويه كنت بفتح و اتمنى اني ألقاكي باعته

ليه كل حاجه حلوه الاقيها من الايام متاخده

متقوليش يا بختك انا كل حياتي سودا فحمه

و إن جيت اني افرح حبه بلقى الحزن بيكعبلني

ليه كل حاجه كنت حاببها دلوقتي بتسيبني

طب كنت قبل ما تمشي اقتلني

كان نفسي بس مره احضنك

يارب تلاقي حد احسن ربنا يرزقك

اما انا فـ خلاص معادش باقيلي اللي ابكي عليه

سألوا سيبنا بعض ليه معرفتش اقول غيرتي بتخنقك

مثلتي عليا الفيلم بالرغم اني مقولتش اكشن

شوفتيني بموت قصادك مديتيش ولا اي ريأكشن

شكلي حبيتك لوحدي فـ طبيعي اني هحزن

كان عندك حق فعلا انا استاهل حد احسن

مكانك فاضي و انا مش هملى

جرحتي قلب ميقدرش انه حتى يموت نمله

كان نفسي تعامليني بنفس المعامله

طب ليه قولتيلي بحبك معقول كانت بس مجامله

2

عدى وقت على بعدنا

و انا زي طفل حزين مجروح و بيشتكي لـ ربنا

قوليلي ازاي نمتي في حضني و مش متطمنه

كل نظرة كانت في عينيكي بتقوللي مكانك مش هنا

الليل و سماه و نجومه و قمره

الست مقالتليش إن اللي تحبه هتشوف شره

كان حظي اني اتعشم في ناس وقت ما احب بيتغروا

قلبي اللي مات انا خدت عزاه و دفنته في قبره

بقيت كل اما ابص في المرايا اتخنق

24 سنة ازاي عدوا العمر بيتسرق

كل اما تحب بتتدلق تزعل فـ يقولولك اتفلق

قالك سيبوه بيعرف يعوم و اهو قلبه غرق

مشوفتش الحنيه و عادي كله ميه ميه

بتفرج على نفس الفيلم و النهايه هي هي

مظنش إن اي حاجه اتمنيتها بقت ليا

خدوا كل مشاعري من قلبي و مشيوا ولاد الحراميه

مكانك فاضي و انا مش هملى

جرحتي قلب ميقدرش انه حتى يموت نمله

كان نفسي تعامليني بنفس المعامله

طب ليه قولتيلي بحبك معقول كانت بس مجامله

2