كلمات اغنية منك لله زياد الدساس

منك لله كلمات

الجرح زاد و بعدك ده كان امر محزن

قضيتها مسكنات عـ الفاضي و حبك مرض مزمن

كان لازم منكملش كنتي كافره و كنت مؤمن

ليه عملت المستحيل لحد معمليش الممكن

ليه رميت نفسي لـ قلة قيمه و قهره و جلد ذات

زي العاهه المستديمه ولا بتخف ولا تتشال

و متغيرش الحال بصحى عـ الاحزان و ابات

روبانزل في الخيال و في الحقيقه طلعت بت شمال

بجد عاش انا قلبي مات و قالوا عاش

متحبكهاش الكل بيمشي لأجل الكاش

شمتي فيا الكل اللي يسوى و ميسواش

و انا اه بسامح بسامح بس مبنساش

دي كارثه اكون عايز احكي و ساكت مش بتكلم

لو حاسه كنتي لاحظتي قلبي في بعدك عتم

كل يوم بتألم و افتكر ايامنا احزن و اتندم

منك لله ياللي افتكرتك طوق نجاه

لو هعرف انسى حبك ازاي الجرح انساه

منك لله مش عارف اكمل الحياه

قلبي بعدك تاه و ياريتك كنتي فضلتي معاه

خلاص كل الحكايه خلاص انتهت

ليه بندهك و لما بتيجي سيرتك انا بتربك

بقول راحت لـ حالها و حالها ماشي بعد ما فارقت

كل حياتي اسودت اما هي ولا حاجه معاها فرقت

كلهم قالولي ولا بتحبك ولا هتحبك

و راهنت عليها و قولت الدنيا مش هتكمل من غيرها

اميرتي مع اميرها فرحانه و مش شاغلها

وقت ما كنت عشانها بعيط نزلت صورتها بتضحك

لا يمكن اكرر نفس الغلطه و استناكي تعودي

انا قولت عليكي سلاحي في وسط حربي و كل جنودي

و انتي بيعتي و فيا كسرتي بس عشان ضمنتي وجودي

كنت تقيل على قلبك و اديكي مني خلصتي

حياتي وقفت بعدك و انتي عايشه ولا نقصتي

لو كنتي قد وعدك كنتي جمبي فضلتي

يعز عليا اقول يا اغلى الناس انك رخصتي

منك لله ياللي افتكرتك طوق نجاه

لو هعرف انسى حبك ازاي الجرح انساه

منك لله مش عارف اكمل الحياه

قلبي بعدك تاه و ياريتك كنتي فضلتي معاه