كلمات اغنية من جدك اخون فايز الدوسري

من جدك اخون كلمات

رحه والغيره لـ حد الجنون

البارحه والليل يامثقل خطاه

عتقتي اللي طاح من سود العيون

مطيح شيخن كل ربعه في ذراه

ادموعك اللي غرقت ذيك الجفون

مع كل دمع يطيح من عمري وراه

قلبك لاتاكله الطواري والظنون

في ليلن البردان مايلقى عشاه

اخون من جدك تقولينه اخون

في عاتقي صرتي مثل فرض الصلاه

ياعشقي الاول ويالقلب الحنون

قلب اللقى مخلوق من قطعة عباه

اهل الضعافه والضغينه والوشاه

مثل الشيوخ اهل الاشده والضعون

وقارهم لاطاح بيدين الرعاه

عبدالله بن سمران حظه ماش لون

اللي بلاه اني مايدري وش بلاه

حبيبتي لله في قلبي شؤون

اليا بكى مافيه احد يسمع بكاه

نصيبنا مجهول يالترف الفتون

في خرج دورات الزمن ربي رماه

ياقطف روحي مثل قطف الزيزفون

اللي من عيون السحاب اروى ضماه

موعد لقا ممكن مع الوقت بيكون

في ذمتي لاموت وانا في رجاه

يهون كل شي الا قربك مايهون

هذا اللي جعلي ماعدمه ولاخلاه

اهلك خابر مستحيل يوافقون

وعيال عمك مير ماتبغى وصاه

وانا بعد عزابي للمدى الحياه

يكفيني صوتك اسمعه بالتيلفون

في كل خمس ايام ينعشني صداه

بنت ابلج على دروبه يتعبون

مورث.. الشيخه .. وداهية الدهاه

معروف مايحتاج والله تنشدون

اكبر جبل .. من هيبته يزحف وراه

اي بالله سمعه شاب خل شيب الدقون

على كثر .. خيرك .. ويامال .. الغناه

في ضيفته تهذري كبار الصحون

حتى البكم قامت تسولف عن سخاه

صوابي اللي دافنه بين المتون

اي والله ان ادنات مايبحث خفاه

وشلون لاغنوا مجارير اللحون

خصوصاً المنكوس يذبحني غناه

البارحه والليل غاشيه السكون

معه طرف علم ومعه قلبن صفاه

جواهر عيونك على خدك تمون

مثل الخوي وميانته على اخوياه

وجدي على اللي طاح من سود العيون

مطيح شيخن كل ربعه في ذراه

،