كلمات اغنية مهداه الى سهيل بن الرملي العامري مسفر السندوانة

مهداه الى سهيل بن الرملي العامري كلمات

للعز صرح (ن) يبغي عزوم وجهود

والامجاد ما هي تنبنا بالسهايل

لما الحضور الي له العالم شهود

ولا غياب (ن) تحتميه الفعايل

ياهل المرا مافي كثير الحكي فود

الفعل يلجم مشعلين الفتايل

قدامكم من يقدح لفوزه ازنود

بالطيب ولا بالنوادر لاصايل

امعرب ومجرب لشبره الزود

لاجا التحدي مع عيال الحمايل

سهيل بالرملي الكفو منبع الجود

يشهد لوقفاته قروم القبايل

والفعل لامداح النشاما الدلايل

امجمل اللابه عسا عزه يزود

ذكره مع قروم الرجاجيل طايل

وانجازه المعهود بالفعل مشهود

لاجا المرا بمنعتات الذلايل

كم شوط قفا به وكم رمز محصود

تحكي بالانجازات كل الوسايل

بينه ومن بين الفخر عرف وعهود

باللي لها الترشيح صايل وجايل

فقارها مدبول ملحيه عضود

فيها من الظبي المذير دلايل

تلعب معارفها مع نسمه النود

لاروحت فالرمز والظل مايل

ترقص طرب ماتشوف في ركضها الكود

يدفها النسناس والشكل هايل

من شوطها ملاكه السبق تحود

تلخبط اصحاب الخطط والمحايل

ومن اللحم تلقا المذارع نحايل

الساس مامنه من الطيب منشود

تبرى به جروح الكبود الغلايل

المتحد بوها وفالدم موجود

والام ردت عقب لانجاز حايل

تعد بنك انتاج من ندر الذود

عقب الرموز الغاليه فالقوايل

معلومات الاغنية

اهداء الى :: سهيل بن الرملي العامري

كلمات :: عبدالهادي القنيفذ

اداء :: مسفر السندونه

فيديو :: المفارق