كلمات اغنية مهرجان جاري البحث عن الجدع محمد بسكوت

مهرجان جاري البحث عن الجدع كلمات

عيني عليك يا قلبي

شيلت الهم بدري

منت بتوفي لناس مش سالكه

و فالاخر بيجرحوك

وادي اخره جدعنتك

شايل طاجن ستك

عجبك حالي انا وانت يا قلبي

ضحكو وزعلوك

خايف ابين دمعتي

لا احسن تشمتو فيا

وانا هم الدنيا بيا

كاره عيشتي ودنيتي

م اللي بشوفو ب عنيا

بينكو وحاسس بوحدتي

منا مين كان حس بيا

كوكب عايز يكشف

كل فئاتو بتكرف

والجدعنة ف فئه معينه

يتعدو علي الايدين

ولا في اصول ولا مبدأ

كلو ف شرو بيسبق

نفسي ف نايزك ييجي الكوكب

ياخد الغدارين

جاري البحث عن الجدع

عمري بحالو انا اتدفع

من اجل ناس خاينين

فيرس واسمو الطمع

والناس بي مضروبين

رحمه ونور ع الجدعنه

والفتحه ع السالكين

داهيه تشيل امثالكو

ياللي نجاحي تاعبكو

غلو وغلو تزيدو تقلو

برضو انا بابا السوق

الف سلامه عليكو

ياللي انا حارق فيكو

لو مضايقكو نجاحي اتفقلو

برضو انا نجم وفوق

ياما عملت لاجلكو

وانتم عنيكو فارغه

خيري عليكم كلكو

يا شويه خلق سكه

كاره نفسي ف وسطكو

دي العيشه معاكو بايخه

ملقتش اوسخ منكو

ع الدوغري بدون مبالغه

صحبي واخويا وخلي

كان هو اللي فاضلي

فجأه لقيتو اتغير طبعو

وقل ف ثانيه معايا

ينفع يعني ف غيبتي

تحكي وتفضح سري

اخس عليك مبقتش تشرف

دنت ف عيني نتايه

صحبي الناقص رنلي

قالي انت فين تعالي

وانا فاكرو قال بيحبني

ولا كنت مدي خوانه

واتاريه مسلمني الدني

لاخصامي الجبانه

بس انا برضو مايهزني

وقومت بالرجاله

مرحب باللي يقبل

جي بطولي مسندل

عايز اشوفلكو لقطه وكارفه

وروني التخصيم

اجرو ودارو خيبتكو

رنتكم ف جيهيتكو

انتو اخركو تقولو ف ضهري

بس ف وشي حريم

صاحي انا ليكو فايقلكو

وعامل لكلو حدود

وسط جيهتكو نزلكو

هضرب عليكو بارود

يلا تعالو ب فعلكو

خلينا ليكو نشوف

بصو الجي ف وشكو

ديناميت عليكو محدوف

ياللي عنيكو رشقا

خفو شويه انا بشقا

دنا مش وارث ولا انا سارق

دنا والله شقيان

انا بضحك قصادكو

وبموت من ورا عينكو

يعلم ربي ان انا متبهدل

ف حياتي وتعبان

شايف ف عنيكو اجتهاد

ف النق والازيه

صبح وليل قركو شغال

معرفش مالكو بيا

لو جبت تشيرتان جداد

تحسدو يبني فيا

داهيه تشيلكو بدون معاد

دنتو ناس موزيه

محمد بسكوت دولي

صوت ناجح ومعدي

رضوان التونسي ف توزيعو

ملهوش يبني مثيل

محمود سوستا كلامو

خلا اخصامو ينامو

احما البلاسى اداره معانا

من يومو دا عنتيل