كلمات اغنية مواليف القلوب خالد ال بريك

مواليف القلوب كلمات

البارق اللي ولع الشباب في عرض النصوب

بين السما والقاع يطرد له مجاهيم وعفر

من شاف مزنه يحسب ان الشمس هفت للغروب

قام يتردم لين جاب الليل في عز الظهر

يوم انهمر وبله على الرقة وسال بكل صوب

كنه بداخل قلبي الحامي يطفي له جمر

اللي مصبرني على وقتي رغم كل الخطوب

اللحظة اللي ببتسم فيها بعد طول الصبر

تقول باخذلي شهادة حسن تدبير وشكر

ولا نويت اعود حتى لو يطولن الدروب

وعزمي يزيد اليا ذكرت اني بديت من الصفر

مرقا العلا يستهوي الابطال في كل الشعوب

واللي يهاب من العلا يقضي حياته فالحفر

حرب المشاعر فالحياة اشد من كل الحروب

اليا خسرت ابها قهر واليا انتصرت ابها قهر

صعبه تحارب شخص يعرف وين توجعك الضروب

يعتبرك اكبر خصم وانته تعتبره اغلا بشر

الكره بعد الحب يستخدم مواليف القلوب

مثل ما تستخدم ضحايا الحرب في نشر الذعر

اما ان الارض مسطحة ولا توفى فالسفر

وهذي هي الدنيا مداول بين غالب ومغلوب

والحمد لله يوم لي فزعة ولي محزم ظفر

شيخن مواقيفه يباريها السعد في كل نوب

كن البشر وقفاتها انثى وهو وقفاته ذكر

سيفن ليا جرد شباه يقص نسمات الهبوب

من يحتزم به يكتسب هيبة مثل هيبة عمر

مدري شلون اعداه فحضوره ما ترغب فالهروب

وحتى البهيمة تعرف اللي يبعث احساس الخطر

من السخى ينطل على العالم مفاتيح الجيوب

ينطل مفاتيح الجيوب تقول ناطله حجر

من كثر ماهو مع بني عمه مقدر ومحسوب

تقول مال الناس غيره لا حساب ولا قدر

وما ضاق صيوانه من ضيوفه ولا الصدر الرحوب

حاله يقول لكل ضيف اقلط صدر واقلط صدر

يالشاطري من كثر منت مكمل بكل الوجوب

اصبحت في هذا العصر رمز المكارم والفخر

من طيب صيتك تاجد الشاعر على مدحك طروب

ما ودك الشعار تمدح غير مثلك يا نمر

ترثة مداغيش الرجال اللي يجرون الهيوب

لين الهيوب يخاشر الشجعان من زود السطر

من هول سطوتهم يجي وصف الصدوق مع الكذوب

للعز يا مطير الكرام من البحر لين البحر

يوم المعارك فالجزيرة نارها دايم شبوب

امجادهم تكتب على التاريخ بالدم الحمر

اليا تعلوا في سروج اللي تلافح بالكعوب

موت محتم منه لا يوجد نجاة ولا مفر

تارد على العد الروي وتطنف البكر اللعوب

اللي مع مطير العظيمة ما تطخ الا قفر