كلمات اغنية ميراد الفهود جفران بن هضبان

ميراد الفهود كلمات

اللحن والفكر والقاف والبيت الجزيل

مايزين الا في مدحة عريبين الجدود

ياخوالي ياهل الطيب مزبان الدخيل

ابشروبي ياخوالي عمت عين الحسود

شاعر لامن تقدمت مااقول الهزيل

اصرف جزال المعاني مثل صرف النقود

دون ربعي والمطاليق ورجال الجميل

مااعتذر ولا اتغيب ولاابخل بالجهود

ارحبو يرجال ترحيب ماينقص يزود

مرحبا ترحيبة وزنها وزن ثقيل

واقلطو ياضيوف قدامكم بن وقعود

في حفل عبدالكريم وعسى عمره طويل

راعي الوقفات والفعل جعله ف الوجود

النعم ينساق له كل صبح وكل ليل

جعل يفداه الضعيف ويفداه الجحود

عن دروب المرجله والكرم ماهو يميل

اسمه يجمل وفعله مع الناس محمود

الكفو عبدالكريم الاصيل ابن الاصيل

ابلج يارد على العز ميراد الفهود

جاري ابن بداح بين المشاييخ معدود

مقدم رجال مافيهم جبان ولا بخيل

ال فالح واسمهم هيبته تحمى الحدود

مالنا فوق البسيطه شبيه ولامثيل

ولاعلينا في المراجل وفي الطالات زود

الجهوم اليا اعتزينا ضحى اليوم المهيل

نكسر جموع المعادين ونفض الحشود

لا وقفنا صفنا مايجي فيه الذليل

ولا اعتزينا نارد العز والطاله ورود

ابن منهد والعزاوي لها فعل ودليل

كم عقيد قد وسمناه من فوق الخدود

حن هل الردات حنا هل السيف الصقيل

الجهوم وكل قول له اثبات وشهود

لا بطشنا يقفي الخصم مكسور وعليل

وان عطينا نعطي ولا ندور للردود

لااعتلينا الخيل والخيل جاي لها صهيل

كسبنا الناموس والنعم دونه مانعود

مايباري مجدنا الا الجدي ولا سهيل

افخرو يالابتي وارقو العليا سنود

في حفل عبدالكريم جاري ال فالح الجهمي

كلمات الشاعر عبدالله بداح الجهمي

اداء جفران بن هضبان