كلمات اغنية مير انا متنطح نجد قدام الغروب حمد الطويل

مير انا متنطح نجد قدام الغروب كلمات

لي شهر وشوي ماني خويك يالجنوب

ماتشالينا ولا حولنا ذرة شلا

لو تزين لي بالأجواء وذعذاع الهبوب

قلت الاول بس مبغاه والثاني ولا

ولو تقرب لي بالامطار من غر النصوب

منت مرتع شمخ النيب صفرا وشعلا

فيك عظمين المواقف وعظمين الخطوب

ربع واخوان وعواني ورفقة وزملاء

وانت ماقصرت واسلم وسلم لي على

فاتنن ماخذ حلايا من الظبي اللعوب

وفيه شي من الوضيحي ومن ريم الفلا

طمنه لو روحت بي نحيات الدروب

عنه قلبي ماتخلا وبالي ماسلاا

مير انا متنطن نجد قدام الغروب

ماهي بلحية محبة ولا لحية غلا

شاعر لن غاب محد عن غيابه ينوب

وان حضر خلا الشواعير تبدع فالخلا

مايقولون الرياجيل طيب ومحبوب

ثلث راضي من قصيده وثلثين زعلا

رازق نسور السراوت ووحوش الخلا

خلده ثقل المناويخ وكبار ذنوب

في مداقيله يتامى وارامل وقتلا

لاد دملك نار الاكوان وابطال الحروب

انشدوا يوم الجزيرة يكاونها البلا

ياطويل العمر عنك القريحة ماتتوب

لو تتوب من التشياع شيعة كربلاء

لا تكابر وقفتي لك بعد حان الوجوب

مالنا عندك جميلة عساني ماخلا

انت يانايف عن المدح منته بمحجوب

عزك المعبود رب السماوات العلى

امدحك واشوف مانيب في مدحك سهوب

لو يشوفون القصيدة كتاب منزلا

قبلة الامجاد من كل حدب وكل صوب

مجد قدام القصيدة ومجدين اولا

كن ربي يوم جابك خلي من العيوب

نصرة للحق واعانة للمبتلا

منوة اللي ينثر الدمع ويقر الجيوب

واحد صادوف دنياه معطيه الصلا

المراجل والبطولات لو كانت شعوب

بايعت نايف ملكها بميثاق وولاء

ناجبه عود مقدر وغالي ومحسوب

في سماء الطالات عن ساير الناس اعتلى

بالنباء الطيب والاخلاق والصدر الرحوب

والقبول اللي من المعتلي جل وعلا

ريف ربعه يوم وجه الزمن لونه شحوب

يوم بعض الناس يعجزهم الما والكلا

مرحبا بأسمه تراحيب بالصوت الطنوب

مع طريق الحفل تسمع هلا يامسسهلاا

مرحبا ياضيف ترحيب بالطيب مغلوب

في حلال اللي على الضيف ماهم ببخلا

قبل تقلط فالمنصات تقلط فالقلوب

سلمنا المعهود والمرحبا تردف هلاا

وعشت ياسلطان ياللي لبس للعز ثوب

جعل تبراك التوافيق من رب الملا