كلمات اغنية مي مي يا محلاها لطفى بو شناق

مي مي يا محلاها كلمات

مي مي يا ما احلاها تربي عروسة

وتجري وراها وتقول لها طي طي

تعقد قربيطة في شعرها

وبابا في حضنه يكبرها

ويسميها مي مي

قلي اش نهدي لك

قلي اش نشري لك

ما يغلى على بنتي شي

اشريلي يابابا من عند العطار

نجمة تلمع تلمع تلمع ليل نهار

خليها تحط على يدي وما تخافش من حتى شي

وتبوس الوردة على خدي وتقلي نحبك يا مي

لو نقدر نشريها لبنتي نخليها وما نشريهاش

قلي علاش قلي علاش

قول لها يا بابا علاش

على خاطر انت يا مي نجمة احلى من الاخرين

وبابا طول عمره يامي في قلبه فنان حنين

ممكن يصور لك نجمة على ورقة والا في نغمة

لكن ما يقدرش يراها محبوسة بين اليدين

النجمة يابنتي ماهي ملك لحد

وممكن ممكن تطفى لو تلمسها الايد

احسن لينا واحسن ليها تبقى حرة تضوى علينا

نحلم بيها وتحلم بينا ونحبك يامي

اشريلي يابابا من عند البياع

عصفورة نسكنها في قفيص لماع

خليها تاكل من يدي ومتخافش من حتى شي

وتبوس الوردة على خدي وتقلي نحبك يامي

يعيش بنتي يعيش بنتي العصفورة نحبسها لواش

لو نقدر نشريها لبنتي نخليها وما نشريهاش

قول لها يا بابا علاش

على خاطر انت يا مي عصفورة وعندك جناحين

وبابا طول عمره يامي في قلبه فنان حنين

ممكن يوصف لك عصفورة في كلمة والا في صورة

لكن ما يقدرش يراها محبوسة بين اليدين

العصفورة يابنتي مسكنها الاغصان

وتبكي لما تغني من وسط القضبان

احسن ليها واحسن لينا تبقى حرة تغني علينا

نحلم بيها وتحلم بينا ونحبك يامي

ما نحبش يابابا غير صدرك الحنين

خواتي وانت وماما في قلبي عايشين

تكفيني انا محبتكم ما تشريلي حتى شي

انا اغلى هدية عندي كي تقلي نحبك يامي

يعيش بنتي يعيش بنتي هالكلمة ما ننساهاش

لو نقدر نزرعها وردة نزرعها وما نقطفهاش

قلي علاش قلي علاش

قول لها يا بابا علاش

على خاطر انت يا مي مزروعة في ممو العين

وبابا طول عمره يامي في قلبه فنان حنين

يتمنى يكمل الحكاية ويخلي لك بعده غناية

تتفكر بيها ايامه كي تسمعها بعد سنين

نحبك يا بنتي يا احلى من العسل

ومن حبي لك انت حبيت الناس الكل

ان شاء الله العمر يطول بينا ويفتح وردك في جنينة

والفرحة ترفرف علينا بجناحك يامي