كلمات اغنية نار الحمايا فهد بن فصلا

نار الحمايا كلمات

الموال

نار الحمايا على الاشهاد

ب اول زمنا وبالتالي

والمجد والعز بذالي

اليا احتمت والسيوف حداد

خصيمنا طاح طوالي

والمجد والعز بذالي

في حفل قرمن وريث شداد

بسام ابن عودة الغالي

واليا طرت قمة الامجاد

جينا كذا راسنا عالي

و المجد والعز بذالي

القصيدة

على مراسيم الحفل بأسم المطاليق الفهود

اقولها عن راعي المحفل واسوق حروفها

عند ابلجن ايجمل القيفان والهاجس ينود

من عادته كسب النعم والنادره مايطوفها

ترحيب به قوة ظفر نوماس لوجيه الوفود

يليق لحضور الرجال اللي تحشم ضيوفها

من راعي الدعوة هلا والمرحبا مولوفها

من عادتي لامن عصبة الراس ماحب الركود

اجيب بدع يرهج الميدان قبل اصفوفها

ابمدح القرم الكفو بسام ابوفيصل وازود

ميقاف مردود الجمايل جابها معروفها

حبيب بن عامر

في محفل اللي في مواقيفة عباد الله شهود

بسام ابن عودة زبون الموجبات ونوفها

بسام لا منه دعا الداعي و قدحات الزنود

مواقفك تروي عباد الله و تغسل جوفها

لاكبرت خطوب الزمان وماتت عزوم الشرود

ما ماتت عزوم تدف الكايدة بكتوفها

يشوفها كبر الجبل وتشوفها كبر الحيود

وتدوسها دوس الثراء ولا تحسب ضروفها

اهروجك تزيد العمر وافعولك تغسل الكبود

وفزعتك قبل اسمع نباها فالرجال اشوفها

ماياخذك في ماقف اهل الطايلة كبر وصدود

منته براع العزوه الي مايسر وقوفها

سالم بن جديع

يافيصل العوده تقلد مشلحك وارقى سنود

خل الحكي المنظوم وابشر بالفعول تشوفها

انت الصحيب الطيب الوافي الى ماله حدود

يمناك من ربي خلقها بالعرب معروفها

الله خلق يمناك تفعل كل طيب ومحمود

للطايله ماتثني عزومك ولا انت تروفها

كيف امدحك والمدح كله من ورا مدحك يزود

كن المدايح من ورا مدحك تنال شفوفها

ماعندك الا تم وابشر مالك بكثر الوعود

يوم اغلب العالم جمايلها بكثر حلوفها

تجود لامنها اقبلت دنياك وان قفت تجود

ماتحسب حساب الليالي لو تجور صدوفها

صالح البرازي

وريث عودة طيب الافعال حلال العقود

كفوفه غيومن على ربعه تصب قنوفها

ما مات من ثبت مواقيفة على وجه الوجود

عاش ويمينه ل الجمايل مستحيل يروفها

ذخر السليمان ان حمى الميقاف في وجه الحشود

زحولهم ب المعضلة ماهي تعرف نكوفها

بذال بذال العزم بذال بذال الصمود

يوم الجزيرة يقتل آمنها ويومي خوفها

اليا تعزوو يردعون الخصم ببطون اللحود

ويهيب جموع المعادي بالوقوف سيوفها

ما يفرح السياف والبذال تقدم ماتعود

امجادهم تملى دواليب الفخر ورفوفها

ما تنثني وقفة بني بذال من عصر الجدود

لو دارت رحي الحياة القاسية وصروفها