كلمات اغنية هات يا قلبي عبد الله فضالة

هات يا قلبي كلمات

هات يا قلبي

هات يا قلبي عليهم عاد هات

يوم شفت السمر جنّي مقبلات

كاملات الزين هن سيد البنات

أرياقهم يا قلب سكر مع نبات

مآخذين الحق بشهود وثبات

خص بن لعبون يوم إنه يمر

لو تشوف البيض بالحنّة تهوس

فوق كبد أهل الهوا تمشي تدوس

بس نظرة وزاهيات (ن) باللبوس

أقسمت بالله وتورخت اليمين

لأزيّد السمرا على البيضا سهمين

باتديّن يا حمد وإنت الضمين

عاملت بالدين كل الكاينات

يا عديم الراي يللي لي تلوم

السمر اركن على قلبي سهوم

كم راعي مال خلّوه معدوم

قيس قبلي ضيّع فروض الصلاة

جتني البيضا وقالت يا حسين

ليش زودت السمر وإحنا غايبين

نادهم للحكم وإحنا حاضرين

وإحكم بعدلك وخل ما فات فات

جن كل البيض والسمر حضرن

كني بجنّات وأغصان ثمرن

طال عمرك وا حلو إقبال البنات

إبتدن البيض ثم صارت تقول

يا أمير حسين إسمع ما أقول

وإحكم بإنصاف لا تصير مهبول

خل حكمك بالعدل وإحكم ثبات

ما تقول بنا وحنّا مسفرين

والسفر أحسن من الظلما يقين

لي نظرت البيض تلقا لك جبين

وخدود تاضي كالشموس الطالعات

السمر يا حسين وش تلقى بهم

لا جمال ولا كمال ولا فهم

أِشهد إن البيض أحسن منهم

البيض كالأمهار وإن جن مقبلات

قالت السمرا علامك تغلطين

حنا فتات المسك وإحنا المؤنسين

أرياحنا العنبر ومسك وياسمين

حنّا هل القعدات وإحنه الغاويات

وإلا العذارى البيض من بد الملا

مالقات (ن) ما بهن نتفة حلا

كم واحد (ن) يا حسين بالسمر إبتلى

من نصانا ما يمل من المبات

ضحكت البيضا وقالت ذا تمام

ما نصاكم واحد إلا وينام

وش يقابل يا مسلّم يا سلام

السمر للبيض صارن خادمات

شفت مجلسنا علينا يبيطول

قلت يا غزلان سمعوا ما أقول

كلكن حسنات وكلن له قبول

كلكن بالزين والله كاملات

فضّ مجلسنا وجينا نبنقوم

يوم أخذنا وذا التي جتنا تزوم

وصرخت يا حسين إقعد لا تقوم

ليش تنسى السود وهن الغاويات

قلت بسم الله وش ذا اللي دهم

حتى سعيّده جاية تبغي سهم

إطردوها يا عساها للوهم

كل برطم منها عشر وزنات