كلمات اغنية هاض الضمير وفز من بين الاقواس العذب

هاض الضمير وفز من بين الاقواس كلمات

هاض الضمير وفز من بين الاقواس

فزت ذريف ن للمواجيب ضاري

للنايبه ماهو بخيلن وهلاس

ولا حط للمعذار مخرج طواري

اخترت عن جو المدن حمر الاطعاس

فوق اشهبن ياسم بطون البراري

لشعر والنوماس يهتاض الإحساس

لأ صار في ربعي يزيد افتخاري

يطمع به اللي دون مجده يماري

معامره من حرب ساسن ع ساس

عيال عامر مبعدين المساري

عيال عامر ستر من تمشط الراس

مع دربهم تشبع سباع الصحاري

من حس في باله من الهم هوجاس

يزبن عليهم عن سموم الذواري

في ضفهم ينسى الروابع والاتعاس

والخوف ماله في ضميره طواري

رجالن دهاتن غليضين وأشواس

عند الطلب مثل السباع الضواري

اينزحونه عن ظهرها اجباري

باللي شباته كنها حد الأمواس

مع مضربه يظهر لك العظم عاري

ودون الخوي والجار صلفين واشراس

رجالنا عند اللزوم انتحاري

حنا ذرا من يلتهم قلبه اليأس

واللي وراهم ينقلون السواري

دخلينا يامن ولا يلحقه باس

من رمية البندق لطعن الشباري

في ضف شيخن يوم الارياق يباس

كم من شجيعن ذوقوه العزاري

رشدان أبن موزه وللفعل مقياس

يوم المنايا بين بايع وشاري

وقف مواقيف بها يرفع الراس

دون الحقوق ودون ربعه مثاري

له من لبوس الطيب والعز ملباس

حقايقن مابين حافظ وقاري