كلمات اغنية هجن ابن جبران حمد الطويل

هجن ابن جبران كلمات

هلا مرحبا ياطاري الشامخ النواف

عدد مايلوح البرق ويهل هماله

طرت سيرتن عطره وراعيها مضياف

سمت ب اسم ابن جبران مبخوت وافعاله

لك نسوق يمبخوت جزل الشعر والقاف

ومثلك قصيد المدح والفخر يزهاله

شهر صيته امن الشرق لا ديرة الأشراف

خذا النعم والتمجيد من جاله لجاله

عليها ختم يمناه وابداعه لحاله

على سابقن سميتها كاملة الاوصاف

ياصلى الله وسلم على محمد واله

هلا مرحبا باللي لها فالصدر ميلاف

تلاعب هوى الغربي من الصوت جفاله

إلى من بدا شوطن عليه القلوب شغاف

على ركضها الباهي حوت شكل وسلاله

تودع خصمها كنها تبغي المنكاف

تقبل ولا معها مطيه على الصاله

خذت من وصوف الحر مع حزة الميهاف

هداد الحرار اللي ينومسك محواله

ليا روح المقفي مايقفي على فاله

تجاوز رهاوه من شمق ماهي بتنطاف

عليها المضمر لاحضرت حقق اماله

ولا قادها وارهى على قمة المشراف

سوا اللي لا قال القول يثبته بافعاله

تقهوى من دلال الفخر واحتمى الميقاف

ولاشرب من عقبه من الناس فنجاله

يقول العسر خلوه انا ماعلي خلاف

أنا له وأناله يالمناعير واناله

عسى اللي مثيله جاره الله من الاصداف

تحت ضلها المطنوخ نومه و مقياله

يشوش على الناموس ويحقق الأهداف

ودون النواميس انتهض ماذخر ماله

سلاطين وان جوك الركض مسرفين اسراف

منافسهم يدور فرصه اتهيا له

ومثلك يابن جبران لاجاء النهار الحاف

يسوقه سطر راسه على كسبت الطاله

راعي بيرقنفي قمة الطايله رفاف

وكن السيوف الحدب ماخلقت إلا له

عوايد ل كل جربوعين من زمان طاف

تسابق على الامجاد رجلي وخياله

سلامي على اللي مجدهم بالعيون يشاف

هل المجد والناموس والعز والناله

فعول ال مره لا غدن الليال عجاف

بهم يامن الخايف ومقصوده يناله