كلمات اغنية هجن الشقب مسفر السندوانة

هجن الشقب كلمات

هملت وبل السحايب بالفخر والراس طايل

وناض برق العز والفرحه مشاعرها مديده

انفتح ل الفكر باب الشعر فالهجن الاصايل

حشمتن ل شيوخ تملك كل منعوته فريده

والتنافس والمحبه حاصله والشك زايل

والهقاوي جات من ربي على ماحن نريده

عشت ياجوعان ياعالي النباء واف الخصايل

ياحماس الركض ياقمة نشاطه ياعميده

تشري العابر وسوق الهجن تدعمه وتزيده

ماتخلي كل مسميه من الحقه لحايل

تعشق الناموس وافعالك على مجدك شهيده

الشعار يبان في يوم المنازل والصمايل

يحسم الناموس والتكتيك من فنه يجيده

تدحم الميدان هجن الشقب وتسو الهوايل

بالنصر والعز وانجازاتها دايم وكيده

كم خذت من رمز والكاسات وسيوفن صقايل

في نهار الهجن صفن من حديده ل الحديده

ضمرن تفرق بوصفاً نادرن بين الذلايل

تجذب الجمهور وتروح خلاويه وحيده

ضامر السرجوف يامكثر مزاياها العديده

لا انطلق شوط الذهب والعين ل الصنقل تخايل

روحت مثل الضباء اللي من يدا القانص شريده

خشف ريمن ذيرت واستجفلت وقت القوايل

ركضها فارق وخطوتها على البيدا سديده

ماتخّيب هقوة اللي عادته كسب الاوايل

تكسب الترشيح في يوم الممارا والوعيده

لاسمعت صوت الجهاز تعانق خشوم الطوايل

تاصل وقوس العصى فبطانها مربوط قيده

زعفرت والزعفران بخدها ع الارض سايل

والوشاح اللي زهتبه كل مركاضن تحيده

روحت يبرا لها شيوخن مع عيال القبايل

شايشن بفوزها والرمز تعزف له نشيده

ودك ان يفرش لها الكيشان وتهل المخايل

فوق دارن نتجت ندر السلالات الفنيده

ياسلام الله على هجنن مثايلها قلايل

يطرب الشاعر لها وينضم ابيات القصيده

بِسْم شيخا عزوته ياخيل العليا الجمايل

ذَاك جوعان الفخر والمجد كله من رصيده

والمضمر يستحق الشكر واجزال المثايل

يشكر الهادي على ابداعه وحنكته الفريده