كلمات اغنية هزيمة مسرفة زياد الدساس

هزيمة مسرفة كلمات

زياد الدساس و سمسم شهاب - هزيمة مُشرفة || Zeyad El-Dassas Ft. Semsem Shehab - Hazema Mosharefa

كان حُضني بيتها .. و يعلم ربنا اني راعيتها

بنتي اللي انا ربيتها بتوريني في الجراح براعتها

حزنت ساعتها .. و مكنتش عايز غير سعادتها

و اديها مشيّت .. و ياريتها ترجع تاني ياريتها

ده انا لو قولت " نسيتها " هبقى بكدب المره دي

انا لسا فاكرها و حتى اسأل عينيا عن عياطي

كنت راضي .. تزعل و اراضي فين ملهاش اراضي !!

شايف اللي هناك دي ؟ .. دي حياتي بتتدمر قصادي

روحي متشلفة و كل حياتي بقت مُقرفة

إتهزمت منك .. و بالنسبالي دي هزيمة مُشرفة

تفتكري ! .. هل هنساكي بكره و هتفتكري !؟

كنت طفلك و انتي عيدي , تقولي " بحبك " اقولك " عيدي "

طلبت منك هُدنه فـ رفضتي و قطعتي ايدي

و اديني بنزف .. الفرح يخبط بابي بكرف

نِفسي اني احضنك بس ارتبطتي خلاص و بقيت متكتف

----

مكتف روحي بـ غروري و مستكبر اقول " بهواه "

و عايش دور مهوش دوري و عارف إني مش هنساه

2×

--

و نِفسي اروحله و اتأسف ..

و اسيب دمعي يبوسله إيديه

بعاند ليه !؟

----

بعاند ليه ؟ .. ما انا من غيرك مش عارف اتأقلم

كنتي إنتي كل السُكَر , بس بُعدك مُر علقم

جرحتي قلبي و قولت " شكراً من يد ما نعدمها "

الفرحه قاتله قلبي و حُزني قاضي بيحكم بـ إعدامها

فرق السن كان خلانا زي " شيرين و حسام حبيب "

مش كنت بتحاربلي ؟ .. ليه دلوقتي بتحاربني !!

بقى كده .. كده تجرحني يا قلبي يا حته مني

قولتيلي " بكره تقابل واحده احسن مني و تنسى "

سألتك " لسا بتحبيني ؟ " قولتي : اكدب عليك لو قولت " لسا "

مش هحب غيرها .. حُبها كأنه قبري

" كل ما انساها افتكرها " صدق رامي صبري

الحُزن صوته في قلبي عالي و فرحي كان سُكيتي

إديني طريقه انساكي بيها زي ما إنتي نسيتي

عليا انا صعبان .. البُعد لدعني و كان تِعبان

مش همثِل و اقول " تمام " لأني في بُعدها تَعبان

----

انا تعبان اوي في بُعده و مش قادر اعيش بَعده

انا عايش ولا الميت بـ روح متعلقه في وعده

و ايه يعني لو اتنازل ؟ .. ما انا من غيره في النازل

بحبه يبقى اتحمّل .. مفيش إنسان في يوم كامل