كلمات اغنية هم عيال مضيم فهد بن فصلا

هم عيال مضيم كلمات

مهند الشدادي

انبلج صبح يشوق العين و يسر القريحه

وانفتح للشعر باب و حام الابيات بـ خياله

انهماره ما ترك فـ البيد لحلوح و صفيحه

كل وادي من شخاتير المخيل يصك جاله

ربعت منه الرياض و فاح فالريضان شيحه

وابتهج فيه ابدوي بالش بـ لقمة حلاله

حامد بن سمحة

ياجب ارحب بضيفان ابن عمي ف احتفاله

مرحبا والصدر فيه القدر والقدر الذبيحه

في مضوف ماوقف طيبه ولا جفت دلاله

عند بن عمي ضنا زيدان ذباح المنيحه

حاتمي يحتمي ميقافنا من حر ماله

ياقبيل خامس الجوزا ونفسك مستريحه

واعتبرك تخامس الجوزا يابن عمي جماله

شاعر طحطوح واللابه يعشقون المديحة

واول العشاق من جاب المراجل من حلاله

سلطان الهاجري

مرحبا ترحيبة ماهي على رقم الشريحه

عند شغموم مديح السان واليمنى مديحه

ما اكتفا في سمعت جدوده ولا سمعت خواله

ما خذا الاول على المتردية ولا النطيحه

الا نافس مبدعين الشعر وتفرد الحاله

قالوقبيل وقلنا هدة نمور جريحه

ال زيدان الشجاعه والحمية والشكاله

مجدهم يطغى على نبط الشعر و لا فصيحه

يعتبر ركنن من ركون الجنوب ومن جباله

ابراهيم المرزوقي

دايم الطيب نقول ان لامديح الا مديحه

والله ان ماطيب من قبيل واعز الا قباله

ارتكى للبيرق ووقف وقوف بدون طيحه

وان سلمنا من قصيده ماسلمنا من رياله

افخرو في شاعر القمة ستر عين المليحه

هو هذا اللي يفخر بربعه ليا طوح عقاله

ويوم نجد من الجثث والدم قام يعج ريحه

ربعه اللي تشرب الفنجال وتكب البياله

عناد الشيباني

والمديح اللي على قلة سنع مثل الفضيحه

والمديح اللي على قول وفعل هذا مجاله

وقحطان اهل المواقيف الجريه والصريحه

هم عيال مضيم يوم الوقت ما يرحم عياله

مجدهم تشهد له الايام والارض الفسيحه

واسمهم يقدر يزيح الجدي ويتكي بداله

محمد الرويبخ

عزوة يوم المغازي والمواريد الشحيحه

من سطرهم كل منهم ينحر الهومه لحاله

خصمهم لا جرد المصقول يامسرع مطيحه

وضيفهم يقلط على الترحيب من جاله لجاله

في سنام المجد مجدن ماحدن يقدر يزيحه

وفي جنوب الدار تاريخ قحطان وفي شماله

محمد بن دعيرم

محلفنا يوم عاد الناس يشرون النصيحه

ومن زمان السيف الاملح لا زمان ابو محاله

البخل من كفكم ميت عسى الله لا يبيحه

والكرم فجيوبكم عايش ويصرف بالوكاله

ياسلايل هود قبل الوقت لا يطلع مسيحه

منكم اللي يخرج الخير من اصحاب الظلاله

قالها الهادي محمد والبخاري في صحيحه

والختام ازكى صلاة الله على محمد واله

النص

يمكنك متابعة النص أثناء سماعه

كلمات نحبة من الشعراء

مهند الشدادي

حامد بن سمحة

سلطان الهاجري

ابراهيم المرزوقي

عناد الشيباني

محمد الرويبخ

محمد بن دعيرم