كلمات اغنية هود الليل خالد ال بريك

هود الليل كلمات

ليا من هود الليل وترجل من سماه النور

يقوم الشاعر يجابه صواديفه ب مسباحه

يسله ف المقام الي عليه الطيبين حضور

ومحراب القصيد الي عليه الناس مداحه

مناط الفعل مزبان الدخيل وفزعة المعسور

هل التاريخ يوم ان الجزيره مابها راحه

وانا شاعر ماغرته الليال ولا معه جمهور

بعيدا عن تفاهات القصيد وعن هل الساحه

وانا شاعر موقف من رهى ومعشق سلاحه

انا الليله على شم المديح وصيته المشهور

يقدمني واصافح كفته واتقلد وشاحه

مقام يرفع الشاعر لاهندم به ثنا وشعور

هذا هو بيرق المليون ماهو شاطي الراحه

هلا يامرحبا والعود يدرج والمحل مخبور

هلا يامرحبا والدله من الهيل فواحه

هذا عادل بن نغيمش لاجا عند الامور امور

كريم يقلط بصدر القصيد ويقدع امداحه

تقدم زم بشتك ب الحفل يامزبن المقهور

يارجل مايلام ان زاد وارهى في تبجاحه

هذا عون الرفيق الي هموم الوقت تجتاحه

شجيع لاكد بطون الفعايل والاسم مشهور

وعسف العسره طبوعه وفعل الطيب مصلاحه

ذخر لـ نغيمش ونسله يجي حر وطويل شبور

على و النعم مايتعب تجيه ونعم ب الراحه

هذا الي يوم سل الفقر سيفه والزمان يجور

راعي مجلس مواييده ملي والناس شحاحه

على مجلسه خلق الله لاجيته واقفه طابورر

ذرا من حدته سود الليال ويشكي اجراحه

تتنصاه الهقاوي كنه ل دهم الوعر ديجور

مادور من ورا فعل الجمايل صافي ارباحه

هل التاريخ يابن خضر لا جا للفعايل دور

زحازيح على كسب الفخر ماهي ب مرتاحه