كلمات اغنية وادي نساح خالد ال بريك

وادي نساح كلمات

الظلام اللي تمادى على شمس الصباح

كل ماجاء وقتها قام ياخذ وقتها

كنه ياخذني رهينه تحت خشم السلاح

لين ضيق بي تخاتيخ نجد وعفتها

تايه لا العين نامت ولا القلب استراح

في عذاب يبتدي كل ماقلت انتها

ماخبلك ياللي تقول انس واللي راح راح

انا لو اقدر اعيد اللياالي عدتها

طرقته لو ادري انها كذا تركتها

فيه للشعار عين منابعها شحاح

انصرف عنها مزاجي عقب ماذقتها

طرقة ماتقضي الشان ماتحمل مراح

وشربة ب الضعف بموت ماشربتها

لو ماجات من السحابه على الجم القراح

حتى لو انها على راحة ايدي رقتها

ماني باللي يرهن شعوره لسيد الملاح

انا كحل عيون الاخصام لاقابلتها

اتلذذ كل ما انجح ب عدوان النجاح

اللي ماهزت مقامي ولا عبرتها

وادري ان م كل سدرة ب سدرة منتهى

والوجيه اللي عليها مواري الانكساح

تدعي لي بالصداقه ولا صدقتها

ماتحاشا غير قولة وصل حده وطاح

كم لي اداحم ظروفي ولا حركتها

وذا السنه بانت على وجهي وسوم الكفاح

اللي والله ان ودي اموت مابينتها

العرب بين التقدم وبين الانفتاح

قالوا افهمها وانا بلشت مافهمتها

لين فرج لي بخوتك ياوجه الفلاح

خوة ب اعيش واموت مابدلتها

ارجح تطرخ لك البيض ف غدو ورواح

وين ماوجهت وجهك معك وجهتها

سقت لك عصما من ابلغ قصيد الامتداح

سقتها لين وقفت عندك وبركتها

نجمك اللي في سما النعم والامجاد لاح

اللي على ضوه اغلى القصايد سقتها

يطلق لساني واغني محبه وارتياح

والحروف تزين ب اسمك لامن كتبتها

انت ابن رفعان لاشحت كفوف الشحاح

كم يدين كبلت ب القيود اطلقتها

انت ابن رفعان لا ضاقت وشان الصباح

وانحنت للسيف خضر الرقاب اعتقتها

انت عايض لا افلس الصبر والمكنون باح

كم هقاوي علقت بك ولا خيبتها

ياملاذ اللي من الوقت مكسور الجناح

لين جاك ب جملة احلامه وحققتها

كل يوم تصافح يمينك البيضاء الضياح

عشت ياراس حميت النعم وانصفتها

اكتسحت صدور الامجاد ب العزم اكتساح

كل ماصعبت نفذت الدراع وجبتها

ابتع امن السيف واكرم من انسام الرياح

وانفع من الفزعه اللي تجي في وقتها

عاطفي سطر اسمه بسطوه واجتياح

يتجدد لاسمه المدح لا قيل انتهى

لو يحول طويق دون هدفه حطه براح

لين جته اغلى النواميس على ماشتهى

من مقاديم ال عاطف مروين الرماح

عزوة تطلق لساني لامن رددتها

ال عاطف عادها ب المغازي والسلاح

هيبة يطرخ علمها ومجد ما انتهى

وسلمنا من عاد الايام هجاد وصباح

مثل قاضي لا دخل ف القضيه بتها

وكم منعنا من مراح وكم اخلينا مراح

ابلنا في وقتها ماشكت من وقتها

وكم عقيد ب البلاجيك قلنا به وطاح

لا تكامل صوتها وخرجت من صمتها