كلمات اغنية وسط نجد خالد ال بريك

وسط نجد كلمات

البقوم ومجدنا بين الأهله

وكل ميقاف ب طالتنا نزيده

المراجل والفخر والعز كله

انحر التاريخ واخذ الي تريده

فعلنا يوم اللقا سيف نسله

طوع العاصي يشوف الدرب سيده

لـ ورد حده على الطاغي يشله

قص قلبه من وريده لـ وريده

سرى الليل ونجوم المجره مع الآفاق

مضيف بدوي قام يلحق مشاهيبه

تواشا من المغرب يالين الفجر ينساق

وزهم للفلاح منادي الحق في طيبه

تهاليلهم تبعد عن الخاطر الريبه

وتبدل جهام الكون بالأوضح الشعاق

ووجه الفضا بين على عارضه شيبه

وشمسه تجلت بالحلا حزة الإشراق

جمال من الله صدق ماهوب تركيبه

مثل بنت شيخ زينها يجذب العشاق

سهوم الخطر في رمشها يوم تغضي به

مخيل الثنا ماحدده خالد الزعاق

يحدد بوقفة من يكمل مواجيبه

يضيع معاريف النشاما ردي اعماق

بعد ما كبر جنبه عطاها عراقيبه

ويحفظ وفاها حفظه العهد والميثاق

كريم يشوف ان الوفا اول مطاليبه

مثل عود طيب كل مازادو الإحراق

ظهر زود طيبه والمطاليق تدريبه

ترالطيب وسط الروس ماهوب ف الأسواق

مع الأصوك الي طيبات هناديبه

هذا الي ينومس مع بني عمه بطيبه

من البارحه وجه الثنا ماثناله ساق

يبا الي من جزال الفرايد يغني به

بحفل السعد عسى سعد فاله الاوفاق

ماتقصر عن عدود المفاخر مجاذيبه

هلا مرحبا مايرسم الناوي البراق

سحاب رهوش صافيات مشاريبه

على العود الأزرق والشحم واشقر ينساق

وتاريخ طيب ثبت العز اطانيبه

باسم شيخ اله الطايله والثنا تواق

وتسمع قبل تسليم ضيفه تراحيبه

كريم العطا والساس والطيب والأخلاق

وسيف لنا في حزة الضيق نبدي به

بنا وسط نجد امن الظفر فعله العملاق

الين الفخر لابن معنز ذاع توجيبه

على طيب ابو فيحان بشت المدايح لاق

ليا قيل جزل المدح منهم معازيبه

ماحط له دون الاوله والجميل رواق

ولاشيف له عن وقفة الطيب تجنيبه

كما العيلم الي كل مانشفت الأرياق

يغسل الكبود من الزمان ولواهيبه

ب يمنى عطاها مثل وسم الحيا دفاق

شهر والوطا نقع المطر مع محانيبه

رقا بالمراجل في حجا نايف الشوهاق

تعلا ب طالاته ب عالي مراقيبه

وحمى الذرى الي زينها يطرب الأذواق

لجل حبها غزايز المال يصخي به

عليها مثل لون البرد تبهج الأحداق

مأخذها هدو خذها بفعل يماريبه

على شف باله كل نوطا حلاها رقاق

رعت كل روض مزهرات نبانيبه

ذخر يوم حيد المتن لام حدش معلاق

وحجا الظلع يبشر بالعشا طيره وذيبه

نهار النفوس امع المنايا ب ماد سباق

وضرب الحدب لـ اهوى على الراس يوميبه

فعول معنز طالت بها الروس والأعناق

اله وقفة مشذوبة المجد تبدي به

وجزيل الفعول مجري الهايب اليا ضاق

فضا الكون في يوم تبارق محاديبه

ليا قيل عبدالله ثنى في اللقا تفاق

يوم ان الحصان يدك الارض بمهاذيبه

اله مجد مخلد ملا السمع والآفاق

على ضوح طيبه ركب الامداح يسريبه

ودول الثنا يقلط على طيب الأعراق

مواقيف ابو مسلط وطيب مجاذيبه

تجلا لابن سداح وجه المديح ولاق

على كل مزمومة حجا شامخ طيبه

الاد الدميني كل مانشفت الأرياق

مواقيفهم تنبي عن العز والهيبه

اهل حربة منها غزير الدما دفاق

يمزع بها قلب العدو من محاديبه