كلمات اغنية وش عاد باقي يبو فهاد جفران بن هضبان

وش عاد باقي يبو فهاد كلمات

وش عاد باقي يبو فهاد وش عاد

خليتو الناموس مثل الوراثه

ما عاد فيه اخصامن اقدام وجداد

ف دروبكم من جاء يتم اجتثاثه

ف اشواطكم من راح روح ولا عاد

ما ينفعه حتى فريق الاغاثه

ماهيب لحية شوط شوطين واشداد

انتو خذيتو المهرجان بـ اثاثه

والشعر معروف لو بعض العرب يسلبه

استغفر الله بعض الناس مابه اعقول

الشعر ما يوخذ ابحيله يجي موهبه

والمدح يصلح براسن للمعالي ينول

ماهوب يصلح براسن كنه جرم احطبه

وجه السنافي تعين به من الله قبول

والشعر وهبه من الله والمراجل هبه

على مدار الليالي والمراجل فعول

يهتاض منها شعور الشاعر ويكتبه

في مدح قرم خلقه الله يشل الحمول

والله خلق للحمول الكايده منكبه

هذا محمد ولد فهاد ماله شبه

حتى طويق الجبل لو تشتبه به زحول

عند ابن جخدب نشوف اطويق كنه احدبه

يكفيني انك بوقفه جعل عمرك يطول

معتق لك ارقاب يا محمد ماهيب ارقبه

وان كانها بالصياهد وش تبينا نقول

كل العرب يا محمد منك متعجبه

حطيت لـ اهل النظر تعليم حسب الاصول

مفروض يطبع وينشر داخل المكتبه

فنجال شوطن يحضر فيه له كم حول

محدن من اهل الحلال الي حضر يشربه

مفروض من نادي البل يمنع امن الدخول

اكثر طقيق الدواهي كلهم بسببه

واليوم حضر ب وضحن عظمها فيه طول

اتقول كن تحتها بين الحلال اعتبه

حتى طوال النخل لو كان مابه ميول

لو اتهايق له اصغرهن تنوش ارطبه

زين طبيعي ومن طول اسبلتها يهول

الي شدوق ابله امن البارح امسحبه

ومن كبر هاماتها اتقول كنها فحول

حتى بخيص الحلال ان شافها يشتبه

وحتى غشيم النظر منها يجي له ذهول

لو ماهو بمنتبه لا عرضت ينتبه

يا هب يا وجيه من لا يذكرون الرسول

الله يقطع وجيهن ماهي امشببه

ودك ف حيضانها ينصب سطل الغسول

وتعما عيون الي اعيونه تقول اللهبه

تحاول اعيونهم لو كان ماهم ابحول

غير اندب الصوت يا راع الرحول اندبه

من كثر ما تلطم الاول نقول ونطول

وخصيمها من كثر ما ضاق فيه خنبه

واليا زعل ما علينا من كلام الزعول

محمد ايقول شوطن ندخله جنبه

والي يكر الخطايا نعتبره امهبول

ماهوب يمديه ينسى واقع التجربه

اسم ال جخدب خذا له بالميادين دول

له سمعتن لا سمعها خصمهم ترعبه

فهاد عقب ارجالن ما تعرف النزول

مثل الحرار الصوارم كلن افمرقبه

وان حولو لـ لأعادي مثل طبع السيول

شوطن يجونه بني عمي تشد اعربه

فهد يقول ان تكلمنا تشوف الفعول

وبندر يقول احتزم بي والحزام اكربه

يا حي ربعن ليا جات المواقف تصول

عز الخوي بالزمن وسيوفن مجربه

قحطان تعسف صعاب الوقت عسف الذلول

وتعسف حتى الخصيم الشرس وتأدبه

من قبل عصر المواتر في ظهور الخيول

واكبر عدو لا نوينا نسحبه بشنبه

قحطان ساس العروبه والفخر والاصول

امعرب ساسنا وافعالنا امعربه