كلمات اغنية وقفة العدوة خالد ال بريك

وقفة العدوة كلمات

سليمان بن ساقه

خيل المدلهم اللي طوارف كمومه

ماتشوف البروق اللي تكاشف تحتها

مغدقن روع اجهزة البلد والحكومه

حذرت من تداول صورته وامنعتها

ريضن له على الشعبان طيحه وقومه

ليلته روس قطاع الطرق ماسرتها

ينفض ايديه فوق الارض ليله ويومه

عبدالله الجدعه

يتزبر سحاب هيبته مع قدومه

كن نجد العذيه في يده ناصيتها

كل ما ساق وبله و استهلت غيومه

يرسم البيد و يشكل لنا خارطتها

فوق وجه البسيطه يوم بانت وسومه

تحسب ان المسايل كل قاع وطتها

خاطري سلوته جو يبدد همومه

و القناعه غناة ما تبور ارصدتها

سليمان بن ساقه

حاجة لو تباع اهل الدراهم شرتها

لا شعمت الحطب والليل بانت نجومه

زان بدع البيوت وطاوعت قافيتها

وانت يامحمد العدوه لك المجد هومه

هومة لو تعارضك البدو ماقوتها

تدري ان الضعوف من القصيد محرومه

لو تحصد الرقوم وتثني مشاركتها

عبدالله الجدعه

مايليق المديح الا بـ غمر عزومه

لو تحرك جبال الارض ما زعزعتها

ياوريث الشداد ونسل عود علومه

اتباشر به اللي وقفته خابرتها

صيرمي و له فوق الشواهيق حومه

يوم عقبان بقعا ماتضف اجنحتها

من حداه الزمان الشين واونس سمومه

واحرقه جمر دنيا ماتموت لهبتها

وقفة العدوه تخليه يهنا بـ نومه

ويتحدا الكبار اللي كبير بختها

سليمان بن ساقه

من هقابك يابو خالد يقول امحسومه

لو هل الضلع خشت دابها فشجرتها

انت سيف شباته ماتخيط ثلومه

ضربته لا خذت كبد المعادي فرتها

قلط من البكار الشقح كل امحشومه

واحذف شماغك البسام فوق رقبتها

ومن يشكك بوضع اسبالها لا تلومه

قلهم يفحصون سبالها و وبرتها

بنت هرش مع اهل الشقح تفرق رسومه

لو تطاول يدينك ماتنوش اشعفتها

عبدالله الجدعه

ياهل الشقح معنا كل عجم ردومه

تلفت اهل النظر في زينها وطخمتها

نسق هرش حواره يوجع اللي يسومه

تبطي القوم في قيمته لو دبلتها

علم اللي تغره في منامه حلومه

الوعد ليلة فـ اخر سنه من سنتها

ويل منهو نشوفه فاللقا فيه زومه

نكسره لو ربوعه تطحن جمهرتها

سليمان بن ساقه

وانت ياللي معانا فاجر فالخصومه

لا تطق الوطا وتضيع وسط غبرتها

لا تقول ابك هذا يالربع ويش قومه

لا حضرلك بنوطا ماتهيد احركتها

انت معزوم واهل الشقح معك معزومه

والعرب مايعزز قولها الا ثقتها

وان لقيت القنازع فالجباه امحزومه

طيع شوري وجنب لاتجي في جهتها

منت لاقي بشوط اهل القنازع نعومه

لابة من صلافتها علت منزلتها

عبدالله الجدعه

فى نهار الملاقا ماتروح مهزومه

لو جموع القبايل كلها حاصرتها

من جحد فعلها يرقد ونفسه ظلومه

لابة من دهاها تصعب منافستها